კალაძე: მომავალი წლების განმავლობაში, თუ საჭირო იქნება, ელექტროენერგიაზე ტარიფი გადაიხედება

2016-12-08 12:00:57, 1713 ნახვა

პოლიტიკა კომენტარი

ვიცე-პრემიერის, ენერგეტიკის მინისტრ კახა კალაძის განცხადებით, ამ ეტაპზე ელექტროენერგიაზე ფასების ზრდა მოსალოდნელი არ არის.

თუმცა, მისივე განმარტებით, მომდევნო წლების განმავლობაში, საჭიროების შემთხვევაში ელექტროენეგიაზე ტარიფი აუცილებლად გადაიხედება.

„ხშირად ვისმენთ ბოლო დროს განცხადებებს, რომ თითქოს ელექტროენერგიაზე მოხდება ფასების ზრდა. ეს არის სემეკის პრეროგატივა. თუმცა მიუხედავად ამ ყველაფრისა ჩვენ ენერგეტიკის სამინისტროში ვაკეთებთ გათვლებს. დღევანდელი გადმოსახედიდან შემიძლია გითხრათ, რომ ელექტროენერგიაზე ფასების ზრდა არ არის მოსალოდნელი. ჩვენ არ დავუშვებთ იმას, რომ კომპანიები გაკოტრდეს, ენერგეტიკა დაინგრეს. გასულ წელსაც გახსოვთ ჩემი განცხადებები ამაზე. ბევრი საუბარი იყო იმის შესახებ, რომ არ გაგვეზარდა ტარიფი, მაგრამ ეს იქნებოდა დიდი პრობლემა მთლიანად სექტორისთვის. მარეგულირებელმა კომისიამ იმუშავა და 30%-ით მოხდა ფასების მატება ელექტროენერგიაზე ანუ დაუბრუნდა 2012 წლამდე არსებულ ნიშნულს. თუ მომავალი წლების განმავლობაში იქნება იმის საჭიროება, რომ მოხდეს ტარიფის გადახედვა ელექტროენერგიაზე, ეს აუცილებლად მოხდება“, - განაცხადა კალაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან