„მე რომ მთავრობის წევრი ვიყო, 31 მარტს პარლამენტში სხდომას დავესწრებოდი“, – ამის შესახებ საპარლამენტო უმრავლესობის წევრმა თედო ჯაფარიძემ ჟურნალისტებს 31 მარტს პარლამენტში დაგეგმილ სხდომაზე მთავრობის წევრების დასწრების საკითხთან დაკავშირებით განუცხადა, სადაც პრეზიდენტი გიორგი მარგველაშვილი ყოველწლიური მოხსენებით უნდა წარდგეს. 

მან მაგალითად მოიყვანა აშშ–ს პრეზიდენტის პარლამენტში ყოველწლიური გამოსვლა, რომელსაც მთვრობის და უზენაესი სასამართლოს წარმომადგენლები მუდმივად ესწრებიან. 

„როცა ხდება აშშ–ს პრეზიდენტის გამოსვლა პარლამენტში, რა თქმა უნდა ამ პოლიტიკურ მოვლენას ესწრებიან მთავრობის წევრები, უზენაესი სასამართლოს წარმომადგენლები.  ჩემი პირადი მოსაზრებაა, პრეზიდენტის სტატუსიდან,  სახელმწიფო მნიშვნელობიდან გამომდინარე, მე რომ ვიყო მთავრობის წევრი, სხდომას რა თქმა უნდა დავესწრებოდი“, – აღნიშნა ჯაფარიძემ. 

ჯაფარიძის მსგავსი მოსაზრება აქვს, საპარლამენტო უმრავლესობის წევრს, თამარ კორძაიას. 
როგორც მან ჟურნალისტებს განუცხადა, პრეზიდენტის ყოველწლიურ მოხსენებას მთვრობის წევრები უნდა დაესწრონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება