2016-11-25 19:36:10, 1103 ნახვა

---

თალაკვაძე: მჯერა, კიდევ უფრო მეტის გაკეთებას შევძლებთ ქალთა მიმართ ძალადობის აღმოფხვრის სფეროში

საპარლამენტო უმრავლესობის ლიდერი არჩილ თალაკვაძე ქალთა მიმართ ძალადობის აღმოფხვრის საერთაშორისო დღეს გამოეხმაურა.

თალაკვაძის განცხადებით, „ქართული ოცნების“ გუნდი  მსოფლიოს იმ ნაწილს უერთდება, რომელიც ძალადობისა და დისკრიმინაციის წინააღმდეგ მტკიცედ დგას:

„2014 წლიდან ხელისუფლებამ რეალური ნაბიჯები გადადგა ამ მიმართულებით, შედეგად ორნახევარჯერ გაიზარდა მსხვერპლთა მომართვიანობა, მათთვის სერვისების მოცულობა, 10-ჯერ გაიზარდა შემაკავებელი ზომების მიღება პოლიციისა და სასამართლოს მხრიდან და 40%-დან 90 %-მდე გაიზარდა მოძალადეთა სისხლის სამართლებრივი დევნის მაჩვენებლები. 500-ზე მეტი ქალი შეუერთდა პოლიციის რიგებს და ჩაერთო ქალთა მიმართ ძალადობის წინააღმდეგ ბრძოლაში. ჩატარდა საგანმანათლებლო შეხვედრა და ამ სამუშაოს გაწევისთვის მთავრობასთან და ხელისუფლების წარმომადგენლებთან ერთად,  მსურს მადლობა ვუთხრა  არასამთავრობო სექტორს, დონორ ორგანიზაციებს და მედიას. მჯერა,  ჩვენ კიდევ უფრო მეტის გაკეთებას შევძლებთ ამ სფეროში“,-განაცხადა არჩილ თალკაკვაძემ უმრავლესობის სხდომაზე, სადაც ამწუთებში პრემიერ-მინისტრობის კანდიდატს უსმენენ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი