თეა წულუკიანი: ამ არჩევნებზე გვქონდა ყველაზე ზუსტი და სანდო საარჩევნო სია

2016-11-24 13:29:09, 1313 ნახვა

პოლიტიკა კომენტარი

„ამ არჩევნებზე გვქონდა ყველაზე ზუსტი და სანდო საარჩევნო სია", - ამის შესახებ იუსტიციის მინისტრობის კანდიდატმა თეა წულუკიანმა მე-9 მოწვევის პარლამენტის სამი კომიტეტის გაერთიანებულ სხდომაზე განაცხადა.

როგორც წულუკიანმა აღნიშნა, ბოლო 4 წლის განმავლობაში მილიონზე მეტი ელექტრონული პირადობის მოწმობა გაიცა უფასოდ, რამაც საარჩევნო სიის დახვეწაში თავისი როლი შეასრულა.

„საარჩევნო რეფორმის კუთხით ჩვენ მივეცით ქვეყანას ფოტოსურათიანი საარჩევნო სია. ჩვენ ამ არჩევნებზე გვქონდა დამოუკიდებლობის შემდეგ ყველაზე ზუსტი და სანდო საარჩევნო სია. დღეისათვის ამ სიაში, იმ პრაქტიკული რეფორმების წყალობით, რაც სამოქალაქო რეესტრში ჩავატარეთ, 2.600.000 საარჩევნო მონაცემი არის ზუსტი. ბოლო 4 წლის განმავლობაში მილიონზე მეტი ელექტრონული პირადობის მოწმობა გაიცა უფასოდ, რამაც თავისი როლი შეასრულა საარჩევნო სიის დახვეწაში", − განაცხადა თეა წულუკიანმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან