რადიო თბილისისა და რადიო ჰერეთის ხელმძღვანელი, ჟურნალისტი რამაზ სამხარაძე მზად არის საზოგადოებრივი მაუწყებლის გენერალური დირექტორის შესარჩევ კონკურსში მონაწილეობა მიიღოს.

როგორც სამხარაძემ "ექპრესნიუსს" განუცხადა, დირექტორის თანამდებობის დაკავების შემთხვევაში ის საზმაუს მიუკერძოებელს და სანდოს გახდის.

"თუ იქნება ობიექტური კონკურსი და ჩემთვის მისაღები ჟიური მე საზოგადოებრივი მაუწყებლის დირექტორის შერჩევის კონკურსში მონაწილეობას მივიღებ. მზად ვარ ვიბრძოლო საზოგადოებრივი მაუწყებლის გენერალური დირექტორის პოზიციაზე. მაუწყებელი გავხადო გამჭვირვალე, მიუკერძოებელი და სანდო", - განაცხადა სამხარაძემ.

ცნობისთვის, რამაზ სამხარაზე 2015 წლიდან დღემდე რადიო თბილისის FM93.5 დამფუძნებელი და დირექტორია. გარდა ამისა, 2013 წლის ნოემბრიდან დღემდე -სამაუწყებლო კომპანია ჰერეთის დირექტორის პოსტს იკავებს. ამასთან, 2009 წლიდან, ის ააიპ "საქართველოს რეგიონულ რადიოსადგურთა ქსელის" GRRN -ის მოქმედი თავმჯდომარეა.

შეგახსენებთ, რომ  „საზოგადოებრივი მაუწყებლის“ გენერალური დირექტორი გიორგი ბარათაშვილი თანამდებობის დატოვებას აპირებს. „ექსპრესნიუსის“ ინფორმაციით, პარასკევს მან ბორდს შესაბამისი განცხადებით უკვე მიმართა, ხოლო საჯარო განცხადებას ორშაბათს გააკეთებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამართალდამცავი ორგანოების კოორდინაციის საკითხებში სახელმწიფო მინისტრის თანამდებობის შემოღებას I მოსმენით მხარი დაუჭირეს

ოცნების პარლამენტმა სუს-ის უფროსად გელა გელაძე დაამტკიცა

იუკნევიჩიენე: ანდჟეი პოჩობუტის გათავისუფლება შესანიშნავი ამბავია, მაგრამ მზია ამაღლობელი ოცნების პატიმრობაში რჩება

„წინ და წინ - ფინანსობანა" – 2026 წლის პირველი წარმოდგენა ხულოში გაიმართა