მეჭიაური: ნარკომანიის, პროსტიტუციის, ჰომოსექსუალიზმის და ყველაფრის აღიარება არ მიმაჩნია სწორად

2016-11-16 17:29:28, 744 ნახვა

საზოგადოება

ასე ხელაღებით ყველაფრის ლეგალიზება - ნარკომანიის, პროსტიტუციის, ჰომოსექსუალიზმის აღიარება სწორად არ მიმაჩნია, - ამის შესახებ თამაზ მეჭიაურმა ჟურნალისტებს განუცხადა.

თუმცა, მეჭიაური ფიქრობს, რომ თუკი კანონმდებლობაში რამე დასახვეწია, ამ კუთხით ცვლილება უნდა განხორციელდეს. კერძოდ, მეჭიაური ეთანხმება მოსაზრებას, რომ მოწევის გამო ადამიანი არ უნდა დაიჭირო, თუმცა, ლეგალიზების მომხრეც არ არის.

"ნარკომანიის, პროსტიტუციის, ჰომოსექსუალიზმის და ყველაფრის აღიარება არ მიმაჩნია სწორად. თუმცა, თუ რაიმე დასახვეწია კონონმდებლობაში, უნდა მოხდეს ცვლილებები. უნდა იყოს ზღვარი, რომლის იქით გადასვლა არ შეიძლება. ჩვენ გვყავს შვილები, შთამომავლები და ასე თუ ყველას დავურგავთ ოჯახებში, ბავშვმა შეიძლება მოწიოს კიდეც. ესაა პრორაგანდა. იმაში გეთანხმებით, რომ მოწევის გამო არ უნდა დაიჭირონ, მაგრამ არც ძალით უნდა მიუტანონ ოჯახებში. ეს გაზრდის ნარკომანთა რაოდენობას", - განაცხადა მეჭიაურმა.