სააკაშვილი: არასდროს ვყოფილვარ ერთპიროვნული მმართველი და ვერც ვიქნები იმიტომ, რომ არ არის ეს ჩემი ბუნება

2016-11-15 23:26:53, 825 ნახვა

პოლიტიკა

არასდროს ვყოფილვარ ერთპიროვნული მმართველი და ვერც ვიქნები იმიტომ, რომ არ არის ეს ჩემი ბუნება, - ამის შესახებ საქართველოს მესამე პრეზიდენტმა მიხეილ სააკაშვილმა "არჩევანში" განაცხადა.

როგორც სააკაშვილმა აღნიშნა, პრეზიდენტის კაბინეტში ხშირად ყოფილა მრავალსაათიანი კამათები, ბევრჯერ შეუბრუნებიათ მისთვის სიტყვა, ხმა აუმაღლებიათ, უჩხუბიათ, უსიამოვნო სიტყვებიც უთქვამთ და ამ ყველაფრის შემდეგ მიუღიათ გადაწყვეტილებები.

„არასდროს მიმიღია ერთპიროვნული გადაწყვეტილება. პრეზიდენტის კაბინეტში იყო მრავალსაათიანი კამათები, ბევრჯერ შეუბრუნებიათ ჩემთვის სიტყვა, ხმა აუმაღლებიათ, უჩხუბიათ, უსიამოვნო სიტყვებიც უთქვამთ, ამ ყველაფრის შემდეგ მიგვიღია გადაწყვეტილებები. მე არასდროს ვყოფილვარ ერთპიროვნული მმართველი და ვერც ვიქნები იმიტომ, რომ არ არის ეს ჩემი ბუნება. სამი-ოთხი თვითგამოცხადებული ადამიანის განცხადება, რომ ჩვენ ვართ პარტიაო. მე არ მითქვამს არასდროს, რომ მე ვარ პარტიაო. მათ რა უფლება აქვთ, რომ ასე აცხადებენ,“ - აცხადებს მიხეილ სააკაშვილი.