საქართველოს პრემიერ-მინისტრმა გიორგი კვირიკაშვილმა ტურიზმის მსოფლიო ორგანიზაციის გენერალური მდივნის თანამდებობაზე 2018-2021 წლების ვადით წარადგინა საქართველოს კანდიდატი, ესპანეთის სამეფოში საქართველოს საგანგებო და სრულუფლებიანი ელჩი, ტურიზმის მსოფლიო ორგანიზაციასთან საქართველოს მუდმივი წარმომადგენელი ზურაბ პოლოლიკაშვილი.

აღსანიშნავია, რომ  საერთაშორისო ორგანიზაციის ასეთ მაღალ თანამდებობაზე საქართველო საკუთარ კანდიდატურას პირველად წარადგენს.

ზურაბ პოლოლიკაშვილი წლების განმავლობაში მუშაობდა  სხვადასხვა ხელმძღვანელ თანამდებობაზე, როგორც კერძო ასევე საჯარო სექტორში.

2005-2006 წლებში იყო საგარეო საქმეთა მინისტრის მოადგილე.

2009-2010 წლებში მას ეკავა საქართველოს ეკონომიკის  განვითარების მინისტრის თანამდებობა.

მისი ხელმძღვანელობის პერიოდში საფუძველი ჩაეყარა ისეთ ინიციატივებსა  და რეფორმებს, რომლებმაც შემდგომში მნიშვნელოვანი როლი შეასრულეს ქვეყნის ეკონომიკური ზრდისა და ტურიზმის სფეროს განვითარების საქმეში.

ტურიზმის მსოფლიო ორგანიზაციის გენერალური მდივნის თანამდებობაზე კანდიდატების შერჩევის პროცესი 2017 წლის მაისში გაიმართება, ორგანიზაციის აღმასრულებელ საბჭოში,  რომელიც 33 ქვეყანას აერთიანებს.

აღმასრულებელი საბჭოს მიერ რეკომენდირებული კანდიდატის არჩევნები, ორგანიზაციის გენერალური ასამბლეის ფარგლებში  2017 წლის შემოდგომაზე გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კანადამ და ევროკავშირმა ალიანსის შექმნის შესახებ განაცხადეს

აშშ-ის სასამართლომ ტრამპის ადმინისტრაციას საარჩევნო კომისიის წევრების დაშინება აუკრძალა

პოლონეთის პრემიერ-მინისტრმა საკონსტიტუციო ტრიბუნალთან დაკავშირებულ კონფლიქტზე - კანონის უზენაესობის აღდგენა ჩვენი მოვალეობაა

პოლონეთის პრეზიდენტმა საკონსტიტუციო ტრიბუნალის შენობა დატოვა, საპროტესტო აქციები გაგრძელდა