2016-10-31 10:10:29, 692 ნახვა
პოლიტიკა
წინასწარი შედეგებით, მცხეთაში ცეზარ ჩოჩელს მცირედით დიმიტრი ხუნდაძე უგებს
ცენტრალურმა საარჩევნო კომისიამ 50 ოლქის მიხედვით, ყველა საარჩევნო უბანი დაითვალა და წინასწარი შედეგები გამოაქვეყნა.
შედეგების თანახმად, მცხეთის #37-ე მაჟორიტარულ ოლქში, „ქართული ოცნების “ კანდიდატი მცირედით ლიდერობს.
კერძოდ, დიმიტრი ხუნდაძემ ხმების 50.11% მოაგროვა, ხოლო დამოუკიდებელმა კანდიდატმა ცეზარ ჩოჩელმა-49.89% მიიღო.
წინასწარი შედეგები მედიად საარჩევნო ადმინისტრაციის თავმჯდომარე თამარ ჟვანიამ გააცნო. მისი შეფასებით, ცალკეული დარღვევების მიუხედავად, არჩევნებმა მშვიდ გარემოში ჩაიარა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
