„ნაციონალური მოძრაობის“ წევრ ნიკა რურუას განცხადებით, ხელისუფლებამ საარჩევნო სიები გააყალბა, - ამის შესახებ მთაწმინდის რაიონის მაჟორიტარი დეპუტატობის კანდიდატმა დღეს გამართულ პრესკონფერენციაზე განაცხადა.

როგორც რურუამ აღნიშნა, საარჩევნო სიაში გარდაცვლილი ადამიანები და ასევე ის პირები არიან დამატებულები, რომელბიც დიდი ხანია საქართველოში არ ცხოვრობენ. 

„პირველი ტურის ჩატარების შემდეგ ძალიან სერიოზული მუშაობა ჩავატარეთ იმისთვის, რომ შეგვესწავლა ყველა ის მეთოდი, რომლითაც ხელისუფლებამ გააყალბა და საკუთარ კანდიდატს მიუმატა ხმები. შევისწავლეთ ყველა ეს მეთოდი და მაქსიმალურად შევეცდებით მეორე ტურში მათი გამოყენების უფლება არ მივცეთ. 

ბოლო პერიოდში მთაწმინდაზე დამატებულია 8 ათასამდე ადამიანი, რომელიც არ ცხოვრობს არც ერთ მისამართზე. 

მათ შორის არიან, ადამიანები ვინც საზღვარგარეთ არიან წასული 10, 15, 30 წელი, ესენი არიან მხოლოდ ის ხალხი, ვინც 2016 წელს დაამატეს სიაში. ასევე სიაში არიან ის ადამიანები, რომლებიც უკვე 2 წელია გარდაცვლილები არიან. 

ცესკომ, პირველი ტურის შემდეგ, ჩემს ოპონენტს, ხელისუფლების ფავორიტს დაუწერა დაახლოებით 10 ათასი ხმა. ეს სია, რომელიც ბოლო ხანებში დაემატა საარჩევნო სიას, რომლებიც არიან უცხოეთში მყოფები, გარდაცვლილები, არარსებული პირები, აღემატება 8 ათასს, ამიტომ ბევრი მათგანის იდენტობა შეიძება იყო გამოყენებული ზურაბიშვილის სასარგებლოდ. ეს ცხადია არის გაყალბება და მეორე ტურში ამას ჩვენ არ დავუშვებთ. 

ვინც არ არის ნამდვილი ამომრჩეველი და მონაწილეობას იღებს ამ საარჩევნო თაღლითობაში, ჩადის დანაშაულს. ამიტომ მათ ყველას მოვუწოდებ, არ გახდნენ ბრმა იარაღი,კორუმპირებული ჩინოვნიკების ხელში, იმისთვის, რომ მოპარონ ჩვენ ადამიანებს ხმები“, - განაცხადა რურუამ. 

მისივე თქმით, ის აპირებს, რომ მასალები პროკურატურასა და სასამართლოში წარადგინოს. 

„ყველა, ვინც ამ თაღლითობაში იღებს მონაწილეობას, იქნება აუცილებლად გამოკვლეული, გამოძიებული და შემდეგ ამ დანაშაულისთვის დასჯილი“, - აღნიშნა ნიკა რურუამ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით