ერაყში მოსულის გათავისუფლების ოპერაციის დაწყებიდან ქალაქი 11 700-მა ადამიანმა დატოვა, - ამის შესახებ უცხოური მედია გაეროზე დაყრდნობით იუწყება.

ორგანიზაცია საერთაშორისო საზოგადოებას აფრთხილებს, რომ ლტოლვილებად შესაძლოა, კიდევ 700 ათასი ადამიანი იქცეს. 

როგორც გაერო-ში განაცხადეს, 200 ათასს შესაძლოა, გადაუდებელი სამედიცინო დახმარება დასჭირდეს, მათ შორის 90 ათასს ბავშვს, რომლებსაც ვაქცინაცია სჭირდებთა და 8 ათასს ორსულს.

მედიკოსები შიშობენ, რომ "ისლამური სახელმწიფოს მებრძოლებმა შესაძლოა, სამხედროებისა და მშვიდობიანი მოსახლეობის წინააღმდეგ ქიმიური იარაღი გამოიყენონ.

ჯანდაცვის მსოფლიო ორგანიზაციის განცხადებით, მოსულის გათავისუფლების ოპერაციისთვის საგანგებოდ მოამზადა 90 ექიმი. სააგენტო Associated Press-ი წერს, რომ მედიკოსების მომზადებისას აქცენტი ქიმიური იარაღის გამოყენების შედეგად დაზარალებულთა დახმარებაზე გაკეთდა.

ახლო აღმოსავლეთში აშშ-ის შეიარაღებული ძალების ცენტრალური სამეთაურო შტაბის ხელმძღვანელმა, გენერალმა ჯოზეფ ვოტელამ განაცხადა, რომ ოპერაციის დაწყებიდან მოკლულია ექსტრემისტული დაჯგუფების "ისლამური სახელმწიფოს" 900-მდე ჯიჰადისტი.

დაუზუსტებელი მონაცემებით, ქალაქში შესაძლოა 5 000-მდე ჯიჰადისტი იმყოფებოდეს.

ერაყის ხელისუფლების ინფორმაციით, ერაყის შეიარაღებულმა ძალებმა 57 სამხედრო დაკარგეს, 250 კი დაშავებულია. ფეშმერგას მებრძოლებს შორის მოკლულია 30-მდე ადამიანი.

მოსულის შტურმი ერაყის შეიარაღებულმა ძალებმა და ქურთმა მებრძოლებმა 17 ოქტომბერს დაიწყეს. მათ საჰაერო მხარდაჭერას აშშ-ის ხელმძღვანელობით მოქმედი საერთაშორისო ავიაცია უწევს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის