აშშ-ის პრეზიდენტობის რესპუბლიკელ კანდიდატ დონალდ ტრამპის განცხადებით, სირიის კონფლიქტის დარეგულირებასთან დაკავშირებით ჰილარი კლინტონის გეგმებმა შესაძლოა, მესამე მსოფლიო ომი გამოიწვიოს, - აღნიშნულ განცხადებას BBC ავრცელებს.

ტრამპის თქმით, აშშ-მა ყურადღება უნდა გაამახვილოს “ისლამური სახელმწიფოს” წინააღმდეგ ბრძოლაზე იმის ნაცვლად, რომ ეცადოს, სირიის პრეზიდენტს ბაშარ ასადს გადადგომა აიძულოს.

ამასთან, პრეზიდენტობის დემოკრატი კანდიდატი ჰილარი კლინტონი ცოტა ხნის წინ გამოვიდა ინიციატივით, სირიის თავზე საჰაერო სივრცე არასაფრენ ზონად გამოცხადდეს.

“თქვენ აღარ ეომებით სირიას, თქვენ ებრძვით სირიას, რუსეთსა და ირანს, მეთანხმებით? რუსეთი ბირთვული სახელმწიფოა, თუმცა ისეთი, სადაც, სხვა ქვეყნებისგან განსხვავებით, ბირთვული იარაღი მოქმედებს”, - განაცხადა დონალდ ტრამპმა.

რესპულიკელი კანდიდატი დარწმუნებულია, რომ ჰილარი კლინტონი ვლადიმერ პუტინთან მოლაპარაკებების გამართვას ვერ შეძლებს მის მისამართით არაერთხელ გამოთქმული მწვავე კრიტიკის გამო.

“ის, რაც ჩვენ უნდა გავაკეთოთ, უნდა გავამახვილოთ ყურადღება “ისლამურ სახელმწიფოზე”. თუ ჩვენ ჰილარი კლინტონს დავუჯერებთ, ყველაფერი სირიის გამო მესამე მსოფლიო ომით დასრულდება”, - განაცხადა ტრამპმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს