2016-10-24 17:20:19, 816 ნახვა
საზოგადოება
სოფელ ჩაისუბანში სახალხო ზეიმი "ჩაისუბნობა" გაიმართა
აჭარის მთავრობის თავმჯდომარე სოფელ ჩაისუბანში ტრადიციულ დღესასწაულს, „ჩაისუბნობას" დაესწრო.
სახალხო ზეიმს აჭარის მთავრობის წარმომადგენლები, პოლონეთის სილეზიის სავოევოდოს დელეგაცია და ადგილობრივი მოსახლეობა ესწრებოდნენ.
ზეიმის ფარგლებში გაიმართა კონცერტი, რომელშიც ფოლკლორული, ვოკალურ-ქორეოგრაფიული ანსამბლები და ინდივიდუალური შემსრულებლები მონაწილეობდნენ. ასევე კინტრიშის ხეობის მკვიდრთა ხელნაკეთი ნივთებისა და ხალხური რეწვის ნიმუშების გამოფენა მოეწყო.
სოფლის მცხოვრებლები სტუმრებს ტრადიციული კერძებით და ნუგბარით გაუმასპინძლდნენ.
ღონისძიების დასასრულს ღვაწლმოსილი ხეობის მკვიდრთა დაჯილდოება გაიმართა.
„ჩაისუბნელობა", როგორც სახალხო ზეიმი, წელს მეორედ აღინიშნება.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
