„ნაციონალური მოძრაობის“ წევრის დავით დარჩიაშვილის განცხადებით, საკონსტიტუციო სასამართლოს ახლადარჩეული თავმჯდომარის ზაზა თავაძის შესახებ ბევრი  არაფერი იცის. ამიტომ, დარჩიაშვილს უჭირს პასუხის გაცემა კითხვაზე, თუ რა შეიცვლება სასამართლოში მისი თავმჯდომარეობის პირობებში.

თუმცა, დარჩიაშვილი დარწმუნებულია, რომ ხელისუფლება შეეცდება, საკონსტიტუციო სასამართლო თვისი სურვილების დამადასტურებელ დაწესებულებად  გადააქციოს:

„მე ბევრი არაფერი ვიცი ზაზა თავაძეზე, მაგრამ დარწმუნებული ვარ, რომ  ხელისუფლება შეეცდება, საკონსტიტუციო სასამართლო საბოლოოდ გადააქციოს თვისი სურვილების დამადასტურებელ დაწესებულებად. არ შემისწავლია მისი ქცევა, მისი ბიოგრაფია, ვის რა პოზიცია ეჭირა, არვიცი ზაზა თავაძის შესახებ, მაგრამ მოველი, რომ ხელისუფლება შეეცდება, ამ ორგანოზეც დაამყაროს სრული მონოპოლია“,-განაცხადა  დავით დარჩიაშვილმა.

ცნობისთვის, საკონსტიტუციო სასამართლოს ახალი თავმჯდომარის ვინაობა ცნობილია.

სასამართლოს პლენუმის შემადგენლობამ, რომელიც ამ ეტაპზე 8 მოსამართლით არის დაკომპლექტებული, არჩევანი ზაზა თავაძის კანდიდატურაზე გააკეთა.

"ექსპრესნიუსის" კორესპონდენტის ცნობით, თავაძემ 5 ხმა მიიღო, რაც  საკონსტიტუციო სასამართლოს თავმჯდომარის ასარჩევად საკმარისია.

ცნობისთვის, ზაზა თავაძე წლებია, საკონსტიტუციო სასამართლოს მოსამართლეა და ყოფილი თავმჯდომარის, გიორგი პაპაუაშილის პირველი მოადგილე იყო. თავაძე ახალი თავმჯდომარის დანიშვნამდე, საკონსტიტუციო სასამართლოს თავმჯდომარის მოვალეობას ასრულებს. საკონსტიტუციო სასამართლოს თავმჯდომარე 5 წლის ვადით ირჩევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: მე არ დამიწყია ომი ირანთან, მათ დაიწყეს ჩვენთან ომი

საქართველოს ბანკის YouTube პროექტის - CREATOR-ის მეორე სეზონი იწყება

„შავი პარასკევი“ „მაზდა ცენტრი თეგეტაში“ - ბრენდის ყველაზე მოთხოვნად მოდელებზე 20%-მდე ფასდაკლება 1-ელი ნოემბრიდან იწყება

დათუნაშვილი - გაზის გაძვირება კატასტროფული გადაწყვეტილება, რომელიც ძალიან მძიმე ტვირთად დააწვება თითოეულ ოჯახს ამ ქვეყანაში