სირიის ქალაქ ალეპოში რუსეთის მიერ გამოცხადებული ჰუმანიტარული პაუზა ამოქმედდა, - ამის შესახებ ინფორომაციას BBC ავრცელებს.

მედიის ცნობით, ადგილობრივი დროით დილის 08:00 სააათიდან საღამოს 19:00 საათამდე ყველა სამხედრო მოქმედება შეწყდება. ადგილობრივი მოსახლეობა ქალაქის დატოვებას რვა ჰუმანიტარული დერეფნით შეძლებს.

მედიის ინფორმაციით, რუსულმა მხარემ აღმოსავლეთ ალეპოს დატოვება ამბოხებულებსაც შესთავაზა, თუმცა მათ ქალაქის დატოვებაზე უარი თქვეს.

თავდაპირველად რუსეთის თვადაცვის სამინისტრომ განაცხადა, რომ "ჰუმანიტარული პაუზია" რვა საათით იმოქმედებოდა, თუმცა გაერო-მ აღნიშნული გადაწყვეტილება გააკრიტიკა და განაცხადა, რომ ალეპოდან მშვიდობიანი მოსახლეობის ევაკუაციისთვის სულ მცირე 12-საათიანი ზავია საჭირო.

ამგვარად, 19 ოქტომბერს, რუსეთის თავდაცვის უწყებამ განაცხადა, რომ საერთაშორისო ორგანიზაციების მიმართვის საფუძველზე, "ჰუმანიტარული პაუზა" სამი საათით გახანგრძლივდება.

ცნობისთვის, სირიის სამთავრობო ძალებმა და რუსულმა ავიაციამ ალეპოს აღმოსავლეთ ნაწილში, საცხოვრებელ რაიონებზე დარტყმები 11 ოქტომბერს განაახლეს. უფლებადამცველების მონაცემებით, ავიაიერიშებს მშვიდობიან მოსახლეობას შორის მრავალრიცხოვანი მსხვერპლი მოჰყვა. თუმცა მოსკოვი სამოქალაქო ობიექტებზე დარტყმების განხორციელებას უარყოფს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა