სსიპ „ნატო-სა და ევროკავშირის შესახებ  საინფორმაციო ცენტრის“ ორგანიზებითა და საქართველოში   ნატო-ს სამეკავშირეო  ოფისის  მხარდაჭერით,  საგნმანათლებლო-შემეცნებითი სემინარი: „ნატო-არჩევანი მშვიდობიანი და სტაბილური განვითარებისთვის“  გაიხსნა.

სემინარში, რომელიც ორი დღის განმავლობაში  გაგრძელდება, მონაწილეობენ მასწავლებლები  აჭარის რეგიონიდან თბილისელ კოლეგებთან  ერთად.

სემინარი ევროპულ და ევროატლანტიკურ სტრუქტურებში  ინტეგრაციის საკითხებში  სახელმწიფო მინისტრის მოადგილე არჩილ ყარაულაშვილმა, ნატო-სა და ვეროკავშირის შესახებ საინფორმაციო ცენტრის  დირექტორმა ქეთევან ჩაჩავამ და  ნატო-ს სამეკავშირეო ოფისის ხელმძღვანელმა უილიამ ლაჰიუმ გახსნეს.

„როგორც იცით, საზოგადოებაში ნატო-ს მიმართ მხარდაჭერა ძალიან მაღალია  და უმნიშვნელოვანესია, რომ ეს ემოციური მხარდაჭერა გამყარებული იყოს ინფორმაციით. სწორედ ეს არის მიზანი, როდესაც ჩვენ,  ნატო-სა და ევროკავშირის შესახებ საინფორმაციო ცენტრი, ჩვენს პარტნიორებთან ერთად, ამ შემთხვევაში ნატო-ს სამეკავშირეო ოფისის წარმომადგენლებთან ერთად, ვახორციელებთ პროექტს მასწავლებლებისათვის და უკვე 500-მდე ბენეფიციარი ჰყავს ამ პროექტს. მაქსიმალურად ვცდილობთ, მივაწოდოთ ზუსტი ინფორმაცია. მოგეხსენებათ რუსული პროპაგანდის პრობლემა საქართველოში და სწორედ ზუსტი ინფორმაცია არის ერთადერთი საშუალება, რითაც შეგვიძლია მას  დავუპირისპირდეთ“,-განაცხადა ქეთევან ჩაჩავამ

სემინარის მონაწილეები ორი დღის განმავლობაში შეხვდებიან სამთავრობო და არასამთავრობო უწყებების წარმომადგენლებსა და ექსპერტებს და მიიღებენ ინფორმაციას ნატო-ს მიზნებისა და ამოცანების, ნატო-საქართველოს ურთიერთობების, მიმდინარე პროცესებისა და გლობალური უსაფრთხოების  მშენებლობაში საქართველოს როლის შესახებ.

საგნმანათლებლო-შემეცნებითი სემინარი „ნატო-არჩევანი მშვიდობიანი და სტაბილური განვითარებისთვის“    უკვე მესამე წელია ხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის YouTube პროექტის - CREATOR-ის მეორე სეზონი იწყება

„შავი პარასკევი“ „მაზდა ცენტრი თეგეტაში“ - ბრენდის ყველაზე მოთხოვნად მოდელებზე 20%-მდე ფასდაკლება 1-ელი ნოემბრიდან იწყება

დათუნაშვილი - გაზის გაძვირება კატასტროფული გადაწყვეტილება, რომელიც ძალიან მძიმე ტვირთად დააწვება თითოეულ ოჯახს ამ ქვეყანაში

მეუფე ვახტანგი სამორინეებზე - როგორმე, პარლამენტში ხელახლა უნდა გავიდეს და დააიგნორონ