ბუდაპეშტში მედიის თავისუფლების შეზღუდვას ათასობით ადამიანი აპროტესტებს, - ამის შესახებ France Press იუწყება.

მედია საშუალების ინფორმაციით, აქციის მონაწილეები უნგრეთის პრემიერ-მინისტრის ვიქტორ ორბანის პარტიას ავტორიტარიზმსა და მედიის თავისუფლების შეზღუდვაში ადანაშაულებდნენ.

France Press-ის ცნობით, დემონსტრანტების ნაწილს ხელში ოპოზიციური გამოცემა Nepszabadsag-ის (“სახალხო თავისუფლების”) ნომრები ეკავათ.

აღსანიშნავია, რომ პრემიერ-მინისტრს ვიქტორ ორბანის კრიტიკით ცნობილმა გამოცემამ საქმიანობა 8 ოქტომბერს მოულოდნელად შეწყვიტა. რედაქციამ მიზეზად ეკონომიკური პრობლემები დაასახელა.

მედიის ინფორმაციით, ოპოზიციური "უნგრეთის სოციალისტური პარტიის" წარმომადგენლებმა გაზეთ Nepszabadsag-ის გამოცემის შეწყვეტა პრესისთვის “შავი დღე” უწოდეს.

ამასთან, ევროპარლამენტის თავმჯდომარე მარტინ შულცმა განაცხადა, რომ გამოცემის დახურვა შემაშფოთებელი პრეცედენტია. მარტინ შულცმა საპროტესტო აქციის მონაწილეებს სოლიდარობა გამოუცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს