სლოვაკეთის პირველი პრეზიდენტი მიხაილ კოვაჩი 85 წლის ასაკში გარდაიცვალა, - ამის შესახებ BBC იუწყება. 

როგორც მედია საშუალება წერს, 30 სექტემბერს გულთან დაკავშირებული პრობლემების გამო მიხაილ კოვაჩი რეანიმაციაში გადაიყვანეს. მდგომარეობის  გაუარესების გამო ექიმები იძულებულები გახდნენ ის ხელოვნურ კომაში შეეყვანათ.

ცნობისთვის, მიხაილ კოვაჩი სლოვაკეთის პრეზიდენტის თანამდებობას 1993-1998 წლებში იკავებდა. მან ბრატისლავას ეკონომიკის უნივერსიტეტი დაამთავრა, მუშაობდა სხვადასხვა ფინანსურ დაწესებულებებში.

1989-1991 წლებში კოვაჩი სლოვაკეთის ფედერაციული რესპუბლიკის ფინანსთა მინისტრი იყო. 1991 წელს მან დაარსა პარტია “მოძრაობა დემოკრატიული სლოვაკეთისთვის”.

1990 წელს კოვაჩი სლოვაკეთის ფედერალური კრების დეპუტატად აირჩიეს. 1992 ის ჩეხოსლოვაკიის საკანონმდებლო ორჰანოს უკანასკნელი თავმჯდომარე გახდა და მნიშვნელოვანი როლი შეასრულა სლოვაკეთის მიერ დამოუკიდებლობის მოპოვების პროცესში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს

ძმები ფეიქრიშვილების დედა, ნინო აბრამიშვილი - შვილები არ მომიკვდეს მე კამერაში. იცოდეთ შვილები არ მომიკვდეს

ადვოკატი - დავით ფეიქრიშვილს ფიზიკური დაზიანებები აქვს, გოგამ თვითდაზიანება მიიყენა