„მამუკა ახვლედიანი ეთიკის ყველა წესს არღვევს, მოქმედი მოსამართლე რომ ყოფილიყო, მას სასამართლო სისტემიდან გათავისუფლება ელოდებოდა“, - ამის შესახებ მოქმედმა მოსამართლემ და თბილისის სააპელაციო სასამართლოს საგამოძიებო კოლეგიის თავმჯდომარემ მერაბ გაბინაშვილმა ჟურნალისტებს განუცხადა.

როგორც გაბინაშვილმა აღნიშნა, გუშინ და გუშინწინ გავრცელებული ჩანაწერები იუსტიციის უმაღლესი საბჭოს სხდომის ჩატარების მიზეზია.

მისი თქმით, საბჭოს დღევნდელი სხდომა გაიმართება იმისთვის, რომ საბჭომ შესაბამისი მიმართვა და განცხადებები გააკეთოს მოქმედი მოსამართლეებისთვის.

„მოქმედი მოსამართლეებისთვის ეს იქნება მაგალითი, თუ როგორ არ უნდა მოიქცეს მოსამართლე. ის რაც ამ აუდიო ჩანაწერებში გვესმის, არღვევს მოსამართლეთა კომუნიკაციის შესახებ კანონს და არის აკრძალული. აღნიშნული კანონის დარღვევა არის მძიმე ფაქტი. ამ ჩანაწერებით დასტურდება, რომ ყოფილი თავმჯდომარე მამუკა ახვლედიანი თავისი ინიციატივით ხვდება საქმეში მონაწილე ერთ-ერთ მხარეს და პიროვნებას რომელიც არ არის მარტო საქმეში მონაწილე და ტელევიზიის გენერალური დირექტორი, არამედ წარმომადგენლობითი უფლებამოსილებით სარგებლობს და პროცესებში თვითონ იღებს მონაწილეობას. აღნიშნული კანონით, მოსამართლე თავის უფლებებს იცავს, ამ შემთხვევაში ყველაფერი საპირისპიროდ მოხდა და სწორედ მაშინ, როცა ტელევიზიის საქმე ჯერ კიდევ წარმოებაში იყო“, - განაცხადა გაბინაშვილმა.

მან წინასწარი სამართლებრივი შეფასებისგან თავი შეიკავა და აღნიშნა, რომ კომპეტენტურმა ოგანოებმა სისხლის სამართლის საქმე უნდა აღძრან.

„ახვლედიანი მოქმედი მოსამართლე რომ ყოფილიყო, სასამართლო სისტემიდან გათავისუფლდებოდა. რაც შეეხება სისხლის სამართლის საქმის აღძვრასთან დაკავშირებით, შესაბამისი ორგანოები ვალდებული არიან ინფორმაციაზე, რომელიც შეიცავს დანაშაულის ნიშნებს, დაიწყონ გამოძიება. ჩვენ არ ვართ დევნის ორგანო და ეს საკითხი კომპეტენტურმა ორგანოებმა უნდა გადაწყვიტონ“, - განაცხადა მერაბ გაბინაშვილმა.

ცნობისთვის, იუსტიციის უმაღლეს საბჭოში საგანაგებო სხდომა მიმდინარეობს. სხდომაზე განსახილველი საკითხი „რუსთავი 2“-ის გენერალური დირექტორის, ნიკა გვარამიასა და თბილისის საქალაქო სასამართლოს ყოფილი თავმჯდომარის მამუკა ახვლედიანის აუდიო ჩანაწერია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს