საქართველოს თავდაცვის მინისტრმა ლევან იზორიამ საქართველოში გერმანიის ფედერაციული რესპუბლიკის ელჩს ჰაიკე ფაიჩს უმასპინძლა.

შეხვედრას თავდაცვის მინისტრის პირველი მოადგილე ლელა ჩიქოვანი და საქართველოში გერმანიის თავდაცვის ატაშე, ვიცე-პოლკოვნიკი ფრანც-იოსებ ნოლტე დაესწრნენ.

ლევან იზორიამ სტუმრებს გერმანიის გაერთიანების დღე მიულოცა.

თავდაცვის სამინისტროს ინფორმაციით, შეხვედრაზე მხარეებმა თავდაცვის სფეროში ორმხრივი თანამშრომლობის საკითხები განიხილეს. გერმანულმა მხარემ ნატო-საქართველოს არსებითი პაკეტის განხორციელების პროცესში საქართველოს თავდაცვის უწყებას მხარდაჭერა კიდევ ერთხელ გამოუცხადა. საუბარი შეეხო აღნიშნული პაკეტის ფარგლებში, საქართველოს თავდაცვის ინსტიტუციური აღმშენებლობის სკოლის განვითარებაში გერმანიის მხარდაჭერის, ასევე სამხედრო განათლების კუთხით თანამშრომლობის საკითხებს. მხარეებმა ქართველი და გერმანელი სამხედრო მოსამსახურეების ავღანეთში „მტკიცე მხარდაჭერის“ მისიაში ერთობლივად მონაწილეობისა და სამომავლო თანამშრომლობის შესახებაც ისაუბრეს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„მე არ შემიძლია ნეიტრალური ვიყო“ - კრისტინ ლაგარდი ხსნის ევროპის ცენტრალური ბანკიდან ნაადრევ წასვლას

სამმა ამერიკულმა მედიასაშუალებამ ჟურნალისტებისთვის დაწესებული შეზღუდვების გამო ტრამპის ადმინისტრაციის წინააღმდეგ კვლავ შეიტანა სარჩელი

მსახიობი პატრიკ სტიუარტი გარდაიცვალა

თბილისში დაგეგმილ MMA-ის მსოფლიო ჩემპიონატში მონაწილეობას 64 რუსი სპორტსმენი მიიღებს