ვაკის რაიონის გამგებლის მოადგილეებმა გიორგი ბირბიჩაძემ და თეიმურაზ ჩოჩუამ ნუცუბიძის I მ/რ-ის მე-9 კორპუსის მიმდებარე ტერიტორიაზე რეაბილიტირებული სკვერი დაათვალიერეს.

თბილისის მერიის ინფორმაციით, პროექტის ფარგლებში მოხდა სკვერის სრული განახლება, სავალი ბილიკები ქვაფენილით მოპირკეთდა, რეაბილიტაცია ჩაუტარდა ფანჩატურებს, საქანელებს, სკამებს. გარდა ამისა, სკევრში სამხატვრო აკადემიის სტუდენტების მიერ მოიხატა კედლები და შადრევანი. სარეაბილიტაციო სამუშაოები, ვაკის რაიონის გამგეობის დაკვეთით, შპს „არაგვი ბიზნეს ჯგუფი პლიუსმა“ შეასრულა.

„ვაკის რაიონის გამგეობამ ნუცუბიძის I მ/რ-ის მოსახლეობას კიდევ ერთი ლამაზი სკვერი აჩუქა. აქ კაპიტალურად შეკეთდა და გარემონტდა წლების განმავლობაში დაზიანებული ინვენტარი, აღდგა და შეკეთდა შადრევანი, გარდა ამისა, სამხატვრო აკადემიის სტუდენტების დიდი ძალისხმევის შედეგად, მოიხატა და გალამაზდა კედლები“, - განაცხადა ვაკის რაიონის გამგებლის მოადგილემ გიორგი ბირბიჩაძემ.

„პროცესი იყო ძალიან საინტერესო და სახალისო. ადგილობრივი მოსახლეობაც გვეხმარებოდა . ყველას ძალიან მოსწონს ფერები, მაცხოვრებლები ამბობენ, რომ მოხატულმა კედლებმა ეს ტერიტორია გაახალისეს“, - აღნიშნა სამხატვრო აკადემიის სტუდენტმა თაკო ასიტაშვილმა. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დეკანოზი ანდრია ჯაღმაიძე – სამორინეებთან დაკავშირებით საკანონმდებლო ინიციატივა ჩვენთვის სრულიად მოულოდნელი აღმოჩნდა

საკონსტიტუციო სასამართლოში ევროპარლამენტის კრიტიკული რეზოლუციის ხსენებას კამათი მოჰყვა

კახა კალაძე - რასაც ჩვენთან აკეთებდნენ, ახალისებდნენ ძალადობრივ ორგანიზაციებს, დღეს იგივე მიიღეს საკუთარ ქვეყნებში

კოპალეიშვილი „ოცნების“ დეპუტატებს - ჩემი სტუდენტები იყვნენ, რა საფრთხეს წარმოვადგენ მე?