თბილისის საქალაქო სასამართლოს ყოფილი თავმჯდომარე მამუკა ახვლედიანი ადასტურებს, რომ ჩანაწერში ნამდვილად მისი ხმა ისმის და მსგავს პრობლემატურ საკითხებზე ბევრჯერ ბევრ ადამიანთან უსაუბრია.

თუმცა, როგორც ახვლედიანმა "ექსპრესნიუსს" განუცხადა, ჩანაწერი  ჯერ ბოლომდე არ უნახავს და შესაბამისად, არ გამორიცხავს, რაიმე ჩამატებულიც იყოს.

მამუკა ახვლედიანის  განმარტებით, იმაზე მეტს საუბრობს ტელევიზიით, ვიდრე ჩანაწერშია ნათქვამი. მაგრამ, ახვლედიანის თქმით, მთავარი ისაა, რომ დღეს საქართველოში მოსამართლეებს  უსმენენ.  ახვლედიანის განცხადებით, მოსამართლე, რომელმაც იცის, რომ მას ფარულად უსმენენ, თამამ და სწორ გადაწყვეტილებას ვერ მიიღებს:

"უფრო მეტს ვსაუბრობ ტელევიზიით, ვიდრე მად არის ნათქვამი.  ეს სატელეფონო საუბარი არ არის. მოსამართლეობის პერიოდში თუ ასე იწერენ ადამიანებს და შემდეგ მოსამართლეებს სთხოვენ, რომ თამამი და სწორი გადაწყვეტილებები მიიღონ, ძალიან გასაკვირია. კიდევ უფრო საინტერესო ადამიანებთან მისაუბრია, მად არაფერს განსაკუთრებულს არ ვამბობ. ვცდილობდი, ყველასთან მიმეტანა პრობლემა, რაც კი სასამართლოში ხდებოდა.აქ გასაკვირი არაფერია, მაგრამ საინტერესოა, როგორ მოხდა ამის ჩაწერა. გამოსაძიებელია, ვინ გააკეთა ეს ყველაფერი. შეხვედრით, რა თქმა უნდა, ჩვეულებრივად მისაუბრია. ბევრ სხვასთანაც მისაუბრია ბევრ სხვა პრობლემაზე. ვერ ვიხსენებ, დამონტაჟებულია, რამე ჩამატებულია, სულ ნახევარი საათია რაც მოვუსმინე მცირე მონაკვეთს, სრულად არ მინახავს",-განაცხადა მამუკა ახვლედიანმა.

კითხვაზე- თქვით თუ არა შემდეგი ფრაზა-მთლიანად მთელ საქალაქოში ჩათვალე, აი როგორი სიტუაცია მაქვს იცი? სისხლში ყაჩაღობაზე კინაღამ გამიხდა ხალხი გასაშვები, ახვლედიანმა ასე უპასუხა:

"ასეთი ფრაზა მარტო მად კიარა, ბევრგან მაქვს ნათქვამი, ყაჩაღობაზე ხალხი იმიტომ გახდა გასაშვები, რომ მოსამართლე, რომელიც იხილავდა გადაწყვეტილებას წარმოიდგინეთ 1 წლის  განამავლობაში და გადაწყვეტილება ჰქონდა გამოსაცხადებელი, წარმოიდგინეთ, ამ დროს შეუწყვიტეს უფლებამოსილება. ეს ყველასთან მაქვს ნასაუბრები. ზუსტად არვიცი კონკრეტულად ამ ადამიანთან ვთქვი, ან სხვასთან, მაგრამ ასეთ ფაქტს ნამდვილად ჰქონდა ადგილი. ამის თაობაზე ყველა საქმის კურსში ჩავაყენე და ყველამ იცოდა, რომ ასე ხდებოდა და ეს დარღვევა იყო",-განაცხადა მამუკა ახვლედიანმა "ექსპრესნიუსთან" საუბარში.

"მამუკა ახვლედიანი - ნიკა გვარამია"- ამ სათაურით გამოქვეყნდა, სავარაუდოდ, თბილისის საქალაქო სასამართლოს ყოფილი თავმჯდომარისა და „რუსთავი 2“-ის გენერალური დირექტორის ნიკა გვარამიას   საუბრის მორიგი ფარული  ჩანაწერი.

 ჩანაწერი YouTube-ის გვერდზე - Creative Georgia News-ზე დაიდო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს