„ჩვენ დაკარგული ტერიტორიები კი არ უნდა დავიბრუნოთ, დაკარგული ძმობა უნდა დავიბრუნოთ. ეს უნდა იყოს მთავარი და ეს უნდა იყოს წინ ", -ამის შესახებ საქართველოს ყოფილმა პრემიერ-მინისტრმა ბიძინა ივანიშვილმა აფხაზებისთვის შეთავაზებულ პროექტთან დაკავშირებით ჟურნალისტებს განუცხადა.

როგორც ექსპრემიერმა აღნიშნა, პირველ რიგში ნდობის და დაკარგული ურთიერთობების აღდგენაა საჭირო.

"მთელი გულით და სულით გამიხარდა, რომ ამას მივადექი. დიდი ხანია მაქვს ამის სურვილი, როგორც ყველა ჩვენს მოქალაქეს, ჩვენ გვინდა ჩვენს ძმებთან აღვადგინოთ ნდობა და არა ისევ ის სუსულეები რაც გვესმოდა, რომ რეზინის ნავით გადავლენ და სისულეებს იფიქრებდნენ, რომ როგორმე ისევ მსგავსი ჩაედინათ. რაც მოხდა, დიდი უბედურებაა, ტრაგედიაა რაც გადავიტანეთ. მე ველოდები რომ გამოხმაურება იქნება პოზიტიური მათი მხრიდან და მე ვფიქრობ რომ ეს ყველაფერი აშენდება, 90 %-ზე მეტი იმედით ვარ განწყობილი, რომ ეს ესე მოხდება და მხოლოდ ასეთი ხერხებით და გზებით და მე რაც შემიძლია ვფიქრობ დღე და ღამე რომ ჩვენ ჩვენი ძმობა და დობა აღვადგინოთ და არა ის, როგორც აცხადებენ ძალიან ხშირად უხეშად, რომ დავიბრუნოთ დაკარგული ტერიტორიები, ჩვენ დაკარგული ტერიტორიები კი არ უნდა დავიბრუნოთ, დაკარგული ძმობა უნდა დავიბრუნოთ. ეს უნდა იყოს მთავარი და ეს უნდა იყოს წინ. დანარჩენზე მერე ვისაუბროთ", - განაცხადა ბიძინა ივანიშვილმა.

შეგახსენებთ, რომ რეგიონულ მედიასთან ერთ-ერთი შეხვედრის დროს, ყოფილმა პრემიერ-მინისტრმა აბხაზებსა და ოსებს სასტუმროს და ბოტანიკური ბაღის მშენებლობა შესთავაზა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„მე არ შემიძლია ნეიტრალური ვიყო“ - კრისტინ ლაგარდი ხსნის ევროპის ცენტრალური ბანკიდან ნაადრევ წასვლას

სამმა ამერიკულმა მედიასაშუალებამ ჟურნალისტებისთვის დაწესებული შეზღუდვების გამო ტრამპის ადმინისტრაციის წინააღმდეგ კვლავ შეიტანა სარჩელი

მსახიობი პატრიკ სტიუარტი გარდაიცვალა

თბილისში დაგეგმილ MMA-ის მსოფლიო ჩემპიონატში მონაწილეობას 64 რუსი სპორტსმენი მიიღებს