საქართველოს იუსტიციის სამინისტროს სსიპ „დანაშაულის პრევენციის ცენტრის“ ახალგაზრდული პროგრამების ბენეფიციარები ბავშვთა და ახალგაზრდობის ეროვნული ცენტრის პროექტებში ჩაერთვებიან.

ურთიერთთანამშრომლობის მემორანდუმს ხელი ბავშვთა და ახალგაზრდობის ეროვნული ცენტრის უფროსმა  ნუგზარ კევლიშვილმა და დანაშაულის პრევენციის ცენტრის დირექტორმა ჯონი კვინიკაძემ მოაწერეს.

მემორანდუმის თანახმად, მხარეები ითანამშრომლებენ დანაშაულის პრევენციაზე მიმართული ერთობლივი პროგრამების დაგეგმვა-გახორციელებაზე, რათა ხელი შეუწყონ დანაშაულის პრევენციას ქვეყანაში.

როგორც იუსტიციის სამინისტროს დანაშაულის პრევენციის ცენტრის დირექტორმა ჯონი კვინიკაძემ განაცხადა, ორივე ცენტრის მოქმედ პროგრამებში უამრავი გადაკვეთის წერტილია.

„ჩვენთვის ძალიან მნიშვნელოვანია არასრულწლოვნებში ჯანსაღი ცხოვრების წესის პოპულარიზაცია და თავისუფალი დროის საინტერესოდ დაგეგმვა. გადავწყვიტეთ, რომ მეტად ვითანამშრომლოთ და მეტი კოორდინაციით უფრო ეფექტური გავხადოთ ერთობლივი საქმიანობაც“, - აღნიშნა ჯონი კვინიკაძემ.

ბავშვთა და ახალგაზრდობის ეროვნული ცენტრის დირექტორის ნუგზარ კევლიშვილის თქმით, დანაშაულის პრევენციის ცენტრის არასრულწლოვანი ბენეფიციარები სპორტულ და გამაჯანსაღებელ პროგრამებში აქტიურად ჩაერთვებიან. 

თანამშრომლობის მიზანია განრიდებისა და მედიაციის, ასევე  დანაშაულის  პირველი და მეორე დონის პრევენციის ახალგაზრდულ პროგრამებში ჩართული ბენეფიციარებისთვის პიროვნული, კულტურული და ფსიქო-სოციალური განვითარების ხელმისაწვდომობის უზრუნველყოფა.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს