გარემოსა და ბუნებრივი რესურსების დაცვის მინისტრ გიგლა აგულაშვილს სავარაუდოდ მიხეილ სააკაშვილისა და "ნაციონალური მოძრაობის" ლიდერებს შორის საუბრის ჩანაწერის ავთენტურობაში ეჭვი არ ეპარება.

როგორც აგულაშვილმა თემის კომენტირებისას ჟურნალისტებს განუცხადა, თუ  2003 წლიდან დღემდე განვითარებულ მოვლენებს გაითვალისწინებს, ვის ახასიათებდა და ახასიათებს პროვოკაციები, ფიქრობს, რომ ეს  მოვლენათა ლოგიკური ჯაჭვის ნაწილია:

"წმინდა სამართლებრივად თუ შევაფასებთ ამ საკითხს, ბუნებრივია, საგამოძიებო ორგანოები და სასამართლო შეაფასებს და ირწმუნებს, ან არ ირწმუნებს იმ მტკიცებულებებს,  რომელიც წარდგენილი უნდა იყოს როგორც წესი სასამართლოში. მაგრამ მე, როგორც ერთ რიგით მოქალაქეს, კითხვის ნიშნები არ მაქვს. ჩემთვის ცალსახა და ერთმნიშვნელოვანია, რომ ყველა ადამიანი, ყველა პოლიტიკური ჯგუფი, ინდივიდი პოლიტიკოსი, რომელიც ცდილობს, რომ ხელისუფლება უკანონო გზით ჩაიგდოს ხელში, ხელი შეუშალოს ქვეყნის სტაბილური განვითარების, დემოკრატიულად განვითარების გზას, უნდა მოიკვეთოს ქართული პოლიტიკიდან კანონის მთელი სიმკაცრით.

პირადად ჩემთვის, კითხვის ნიშნებს არ ბადებს, თუ გავითვალისწინებთ 2003 წლიდან დღემდე განვითარებულ მოვლენებს, ვის ახასიათებდა და ახასიათებს პროვოკაციები, ჩემთვის ეს არის მოვლენათა ლოგიკური ჯაჭვის ნაწილი",-აღნიშნა აგულაშვილმა.

ცნობისთვის, სოციალურ ქსელ Youtube-ში მორიგი სატელეფონო საუბრის ჩანაწერი გავრცელდა.

ჩანაწერში სავარაუდოდ, საქართველოს ყოფილი პრეზიდენტის, მიხეილ სააკაშვილისა და „ნაციონალური მოძრაობის“ ლიდერების სატელეფონო საუბარია ასახული, რომლებიც რევოლუციურ სცენარზე საუბრობენ.

ჩანაწერის ავთენტურობა ჯერ-ჯერობით დადასტურებული არ არის.

მედიით გავრცელებულ  ფარულ ჩანაწერებთან დაკავშირებით, სახელმწიფო უსაფრთხოების სამსახურის კონტრდაზვერვის დეპარტამენტში  გამოძიება საქართველოს სსკ-ის 315-ე მუხლის 1-ლი ნაწილით დაიწყო, რაც გულისხმობს შეთქმულებას სახელმწიფო ხელისუფლების დასამხობად ან ხელში ჩასაგდებად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დააკავეს არასრულწლოვანი, რომელმაც 32 წლის კაცს დანით მრავლობით ჭრილობები მიაყენა და ადგილიდან მიიმალა

საიტზე გამოქვეყნებული ჯარში გაწვევის უწყება ჩაბარებულად ჩაითვლება - უცხოეთში მყოფი წვევამდელი ვალდებული იქნება დაბრუნდეს

შსს 24-საათიანი პროტესტის უფლებას არ გვაძლევს – დიუშენით დაავადებული ბავშვების მშობლები

ტრამპი ირანს - გახსენით ორმუზის სრუტე, გიჟო ნაძირლებო, თორემ იცხოვრებთ ჯოჯოხეთში