ეუთო-ს საპარლამენტო ასამბლეის დამკვირვებლების შეფასებით, საქართველოში წინასაარჩევნო გარემო გაუმჯობესდა, - ამის შესახებ ორგანიზაციის ოფიციალურ ვებგვერდზე გამოქვეყნებულ სამდღიანი ვიზიტის შემაჯამებელ ანგარიშშია ნათქვამი.

ამასთან, დამკვირვებლები ყველა მხარეს მოუწოდებენ პროვოკაციებს თავი აარიდონ.

ანგარიშში ნათქვამია, რომ დამკვირვებლები მოუწოდებენ ყველა დაინტერესებულ მხარეს, წინასაარჩევნოდ მომხდარი ინციდენტების გასაჩივრებისთვის და გამოძიებისთვის, მიმართონ ოფიციალურ პროცედურებს.

როგორც ეუთო-ს სპეციალურმა კოორდინატორმა, იგნასიო სანჩეს ამორმა აღნიშნა, ის მოხარულია, რომ საპარლამენტო არჩევნებში ბევრი პოლიტიკური პარტია მონაწილეობს, როგორც ძველი ასევე ახლად შექმნილი პარტიებიც.

მისივე განმარტებით, წინა საპარლამენტო არჩევნებთან შედარებით დაძაბულობის დონე უფრო დაბალია. ამორმა იმედი გამოთქვა, რომ სამომავლოდ ასეც გაგრძელდება.

დელეგაციამ გაითვალისწინა მიწოდებული ინფორმაცია დაშინების და წინასაარჩევნო კამპანიის ფარგლებში მომხდარი დარღვევების ფაქტებზე და მოუწოდა ყველა დაინტერესებულ მხარეს, თავშეკავება გამოიჩინონ. მათ, ასევე მოუწოდებს დაინტერესებულ მხარეებს, წინასაარჩევნოდ მომხდარი ინციდენტების გასაჩივრებისთვის და გამოძიებისთვის, მიმართონ ოფიციალურ პროცედურებს.

დელეგაციაში ცესკო-ს თავმჯდომარესთან შეხვედრას დადებითად აფასებენ და მიიჩნევენ, რომ ცენტრალური საარჩევნო კომისია ტრანსპარანტულ არჩევნებს ჩაატარებს.

როგორც დელეგაციის ანგარიშშია ნათქვამი, ისინი დააკვირდებიან როგორც ცესკო-ს მუშაობას ასევე პარტიებსაც.

ცნობისთვის, ეუთო-ს სადამკვირვებლო მისია საქართველოში ჩატარებულ 6 საპარლამენტო და 4 საპრეზიდენტო არჩევნებს ადევნებდა თვალყურს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი

კობახიძიე ისევ აკრიტიკებს გერმანიას და ევროპაში ყველაზე ძლიერ ქვეყანას კომიკურს უწოდებს