„ქართული ოცნება-დემოკრატიული საქართველოს“ მაჟორიტარი დეპუტატობის კანდიდატი თელავსა და ყვარელში ირაკლი სესიაშვილი ამომრჩევლებთან შეხვედრებს განაგრძობს. ამჯერად შეხვედრა თელავის N11 უბნის ამომრჩევლებთან შედგა.

მაჟორიტარობის კანდიდატმა ისაუბრა „ქართული ოცნების“ ხელისუფლებაში მოსვლის შემდეგ სხვადასხვა სფეროში განხორციელებულ წარმატებულ რეფორმებზე.

„ღრმავდება პოლიტიკური და ეკონომიკური ურთიერთობები რეგიონის ყველა ქვეყანასთან. გადაიდგა უმნიშვნელოვანესი ნაბიჯები „აბრეშუმის გზის“ პროექტის განხორციელების მიმართულებით, დასრულდა მოლაპარაკებები ჩინეთთან თავისუფალი ვაჭრობის შესახებ. ეს არის უპრეცედენტო შედეგი, რომლის თანახმადაც, ჩვენი პროდუქციის და მომსახურების 95 %-ზე მეტი ჩინეთის ბაზარზე შევა დამატებითი გადასახადების გარეშე“,-აღნიშნა ირაკლი სესიაშვილმა.

დეპუტატობის კანდიდატმა ყურადღება გაამახვილა საქართველოს სრული ინტერნეტიზაციის უნიკალურ პროექტზე. მისივე თქმით, დამატებით 200 000 ოჯახი ბუნებრივი აირით, 120 000 ოჯახი წყლით იქნება უზრუნველყოფილი.

„ასევე, აღსანიშნავია საყოველთაო ჯანდაცვის პროგრამა, რომლითაც ჩვენი მოსახლეობის უდიდესმა ნაწილმა ისარგებლა, სრულიად უფასოა C ჰეპატიტის მკურნალობა. შეიქმნა „სოლიდარობის ფონდი“ ,რომელმაც დაფინანსა სიმსივნით დაავადებული ბავშვების მკურნალობა“, - განაცხადა ირაკლი სესიაშვილმა.

ამასთან, როგორც სესიაშვილმა აღნიშნა, თელავში, რუსთაველის გამზირიზე განხორციელდა ტროტუარების რეაბილიტაცია, სანიაღვრე არხის შეკეთება, რომლის ღირებულებამ 62 000 ლარი შეადგინა, ასევე მოასფალტდა მრავალბინიანი საცხოვრებელი სახლის ეზოები და მისასვლელები, ვახუშტისა და ციციშვილის ქუჩები, მოეწყო გარეგანათება, რეაბილიტაცია ჩაუტარდა კახეთის რეგიონული არქივის შენობას. კანდიდატმა მადლობა გადაუხადა მოსახლეობას გულთბილი მიღებისთვის.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო

თიბისის საავტორო ღონისძიებების სერია - GitHub-თან პარტნიორობით CO-CREATE INNOVATION-ის მეორე შეხვედრა გაიმართა