საქართველოს თავდაცვის სამინისტროს სსიპ კიბერუსაფრთხოების ბიუროს ნატოსა და ევროკავშირის შესახებ საინფორმაციო ცენტრის მოხალისეები ესტუმრნენ. 

მოხალისეებს შორის სხვადასხვა უმაღლესი  სასწავლებლის, მათ შორის, თბილისის სახელმწიფო უნივერსიტეტის, შავი ზღვის უნივერსიტეტის, კავკასიის უნივერსიტეტის საერთაშორისო ურთიერთობების მიმართულების სტუნდენტები იყვნენ.

კიბერუსაფრთხოების ბიუროს დირექტორმა ანდრია გოცირიძემ სტუდენტებს  ბიუროს  დაარსების ისტორიის, ფუნქციის, ამოცანებისა და მიზნების შესახებ პრეზენტაცია წარუდგინა. მან სტუმრებს პოტენციურ საფრთხეებზე ინფორმაცია მიაწოდა და რეკომენდაციებიც მისცა.

პრეზენტაციების დასრულების შემდეგ, შეხვედრა კითხვა-პასუხის რეჟიმში გაგრძელდა.

კიბერუსაფრთხოების ბიუროს ხელმძღვანელმა პირებმა ახალგაზრდების კითხვებს უპასუხეს.

მოგვიანებით, სტუდენტებმა ბიუროს  ინფრასტრუქტურა დაათვალიერეს და სამუშაო პროცესს ადგილზე გაეცნენ.

შეხვედრა ნატოსა და ევროკავშირის შესახებ საინფორმაციო ცენტრის ინიციატივითა და ორგანიზებით გაიმართა. კიბერუსაფრთხოების უზრუნველყოფა საქართველოს თავდაცვის სფეროში, ხელს შეუწყობს ჩვენს ქვეყანას, გახდეს ნატოსა და ევროკავშირის ქვეყნების სანდო და საიმედო პარტნიორი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

21 ოქტომბრიდან სეზონური გრიპის საწინააღმდეგო ვაქცინაცია დაიწყება - აცრა ყველა მოქალაქისთვის უფასოა

საქართველოს ბანკის მხარდაჭერით, მეწარმე ქალთა განვითარების პროგრამის ფარგლებში, თელავში 22 მეწარმე გადამზადდა

დევნილთა ფულადი კომპენსაციის მისაღებად განაცხადების მიღება დღეს დაიწყო და 2 ნოემბრის ჩათვლით გაგრძელდება

მილანში ახალგაზრდების პროტესტი არეულობაში, ძარცვასა და ცეცხლის წაკიდებაში გადაიზარდა