ბოლო დღე-ღამის განმავლობაში დონბასში სამი უკრაინელი სამხედრო დაიღუპა, - ამის შესახებ BBC უკრაინის პრეზიდენტის ადმინისტრაციის წარმომადგენელზე კონფლიქტის ზონაში მიმდინარე ოპერაციის საკითხებში, ალექსანდრ მოტუზიანიკზე დაყრდნობით იუწყება.

მედია საშუალების ინფორმაციით, შეტაკებების დროს ერთი ადამიანი დაიკარგა, 15 კი დაშავდა.

უკრაინული მხარის ცნობით, ბოლო 24 საათის განავლობაში პრორუსმა სეპარატისტებმა სამხედროების პოზიციებს 35-ჯერ გაუხსნეს ცეცხლი.

ე.წ. დონეცკისა და ლუგანსკის სახალხო რესპუბლიკების წარმომადგენლები კიევის ბრალდებებს უარყოფენ და უკრაინის შეიარაღებულ ძალებს გამყოფი ხაზის გადაკვეთის მცდელობაში ადანაშაულებენ.

თვითგამოცხადებული ლუგანსკის სახალხო რესპუბლიკის ლიდერი იგორ პლოტნიცკი აცხადებს, რომ მისი მებრძოლები მინსკის შეთანხმებებს მკაცრად იცავენ და 1 სექტემბრის შემდეგ ცეცხლი არ გაუხსნიათ.

შეგახსენებთ, რომ მინსკის საკონტაქტო ჯგუფის შეთანხმებით, 1 სექტემბრიდან დონბასში ცეცხლის შეწყვეტის რეჟიმი ამოქმედდა, თუმცა მხარეები ერთმანეთს მის დარღვევაში ადანაშაულებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ