უკრაინამ შესაძლოა, ევროსაბჭოს საპარლამენტო ასამბლეაში მუშაობაზე უარი თქვას

2016-09-13 14:50:28, 1863 ნახვა

მსოფლიო

უკრაინამ შესაძლოა, ევროსაბჭოს საპარლამნეტო ასამბლეაში მუშაობაზე უარი თქვას, თუ ანექსირებულ ყირიმში რუსეთის საპარლამენტო არჩევნების ჩატარების შემდეგ საერთაშორისო ორგანიზაცია რუსულ დელეგაციასთან თანამშრომლობას გააგრძელებს, - ამის შესახებ უკრაინის საგარეო საქმეთა მინისტრმა, პავლო კლიმკინმა ტელეკომპანია ICTV-სთან ინტერვიუში განაცხადა.

მინისტრის თქმით, უკრაინა ასამბლეის მუშაობაში მონაწილეობის შეწყვეტას განიხილავს.

“ჩვენი პოზიცია მარტივია: თუ რუსეთის დელეგაციის უფლებამოსილებას, მაგალითად ევროსაბჭოს საპარლამენტო ასამბლეაში, აღიარებენ, ჩვენ სხვადასხვა ვარიანტს განვიხილავთ, მათ შორის ასამბლეის მუშაობაში მონაწილეობის შეწყვეტას”, - განაცხადა კლიმკინმა.

უკრაინის მთავარი დიპლომატის თქმით, ეს ეხება არა მხოლოდ ევროსაბჭოს საპარლამენტო ასამბლეას, არამედ სხვა ორგანიზაციებსაც, როგორიცაა ეუთო, შავი ზღვის ეკონომიკური თანამშომლობის საპარლამენტო ასამბლეა.

ამასთან, მისივე თქმით, საერთაშორისო ორგანზიაციებში მომუშავე უკრაინელ დეპუტატებს აქვთ უფლება, თავად მიიღონ გადაწყვეტილება ამ საკითხზე. გარდა ამისა, პავლო კლიმკინი მათ რადიკალური ზომებისკენ მოუწოდებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან