აჭარის მთავრობის თავმჯდომარემ ზურაბ პატარაძემ ქალაქ ბათუმის მერთან გიორგი ერმაკოვთან ერთად მშენებარე ახალი საბავშვო ბაღის მიმდინარე სამუშაოები  ადგილზე დაათვალიერა.  

3 სართულიანი, თანამედროვე სტანდარტების შესაბამისი საბავშვო ბაღი ურეხის დასახლებაში შენდება.   315 აღსაზრდელზე გათვლილ შენობაში 9 ჯგუფი განთავსდება. ახალი საბავშვო ბაღის შენობა ადაპტირებული იქნება, მოეწყობა პანდუსები და შესაბამისი ინფრასტრუქტურა.

 სამუშაოები თებერვალში დაიწყო და მომავალი წლის აგვისტოში დასრულდება. მშენებლობის დასრულების შემდეგ   მიმდებარე ტერიტორიის კეთილმოწყობის მიზნით ტერიტორია შემოისაზღვრება ბეტონის ღობით, ეზოში დაიგება ბეტონის ფილები, გაკეთდება გაზონები. სამუშაოების დასრულების შემდეგ კი ბაღის ეზოში დაირგვება ხეები და გაშენდება დეკორატიული ბუჩქნარი. გათვალისწინებულია ასევე საჩრდილობლებისა და ატრაქციონების დამონტაჟება. ეზოში  მოეწყობა 4 სათამაშო მოედანი, დამონტაჟდება გარე განათება.

ბაღის მშენებლობისთვის ქალაქის ბიუჯეტიდან 2 მილიონამდე ლარია გამოყოფილი.
 სამუშაოებს ტენდერში გამარჯვებული შპს ,,მტმ" ასრულებს.

დღესვე, აჭარის მთავრობის თავმჯდომარე აჭარის განათლების, კულტურისა და სპორტის მინისტრთან გიორგი თავამაიშვილთან ერთად N1 საჯარო სკოლის დამატებითი კორპუსის მშენებლობის პროცესს გაეცნო.  მათთან ერთად იმყოფებოდნენ განათლების მინისტრის მოადგილეები: სულიკო თებიძე, ლადო მგალობლიშვილი და მთავრობის სხვა წევრები.

2015 წელს აჭარის ა.რ. განათლების, კულტურისა და სპორტის სამინისტრომ საჯარო სკოლასთან შეთანხმებით მიიღო გადაწყვეტილება სკოლის შიდა ეზოში, სკოლის მიმდებარედ დაეწყო ახალი კორპუსის მშენებლობა. არსებული სკოლის მიმდებარე ტერიტორიაზე აშენდა დამოუკიდებელი, 4 სართულიანი შენობა, რომელიც 300 მოსწავლეზეა გათვლილი.

პირველ, მეორე და მესამე სართულებზე განთავსდა საკლასო ოთახები, ხოლო მეოთხე სართულზე სპორტული და სააქტო დარბაზები. მოეწყო სველი წერტილები და დამხმარე სათავსოები. შენობა ადაპტირებულია შეზღუდული შესაძლებლობის მქონე პირთათვის. შენობაში დამონტაჟდა სამგზავრო ლიფტი. ამ დროისათვის მიმდინარეობს შიდა ინტერიერის სამუშაოების დასულებითი ეტაპი. ფასადის სამღებრო სამუშაოები და ეზოს კეთილმოწყობა.

„საჯარო სკოლების ინფრასტრუქტურის გაუმჯობესების" ქვეპროგრამის ფარგლებში  აჭარის ავტონომიური რესპუბლიკის განათლების, კულტურისა და სპორტის სამინისტროსა და შპს „ბილდ მენეჯმენტს" შორის 2015 წლის 11 ივნისს გაფორმდა ხელშეკრულება სსიპ ქ.ბათუმის N1 საჯარო სკოლის ახალი კორპუსის მშენებლობის სამუშაოების (2015-2016 წელი) სახელმწიფო შესყიდვაზე.

ხელშეკრულების ღირებულება განისაზღვრა 1 006 855 ,66 ლარით.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს