მეჭიაური: საქართველოს ტერიტორიული მთლიანობის გასაღები რუსეთშია, მაგრამ ეს ევროინტეგრაციას ხელს არ შეუშლის

2016-09-06 13:35:27, 660 ნახვა

პოლიტიკა

პარტია „თამაზ მეჭიაური ერთიანი საქართველოს“ ლიდერის თამაზ მეჭიაურის განცხადებით, საქართველოს და ევროპას შორის უვიზო მიმოსვლის ამოქმედება რუსეთის გაღიზიანებას არ გმაოიწვევს.

„არა მგონია, რომ ვიზალიბერალიზაციასთან დაკავშირებით საქართველოსადმი ევროპარლამენტის მხარდაჭერას რუსეთის გაღიაზიანება მოყვეს. ჩვენი ტერიტორიული მთლიანობის გასაღები რუსეთშია, მაგრამ ეს საქართველოს ევროინტეგრაციის პროცესს ხელს არ შეუშლის. უვიზო მიმოსვლა ევროპასთან და რუსეთთანაც უნდა იყოს, ამ ფაქტს მხოლოდ მივესალმები. მე ვსაუბრობ მხოლოდ იმაზე, რომ ნატო-ში გაწევრიანება და საქართველოში სხვა ქვეყნის სამედრო ბაზების განლაგება, შესაძლოა, რუსეთთან ურთიერთობის კიდევ უფრო დაძაბვის საფუძველი გახდეს“, - აცხადებს მეჭიაური.

შეგახსენებთ, რომევროპარლამენტის სამოქალაქო თავისუფლებების, მართლმსაჯულებისა და საშინაო საქმეთა კომიტეტმა (LIBE) საქართველოს ვიზალიბერალიზაციის საკანონმდებლო ინიციატივას მხარი დაუჭირა. საქართველოს მოქალაქეებისთვის სავიზო რეჟიმის გაუქმებას კომიტეტის 44 წევრმა მისცა ხმა, წინააღმდეგი ხუთი იყო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან