„ქართული ოცნება დემოკრატიული საქართველოს” ოზურგეთის მაჟორიტარი დეპუტატობის კანდიდატი არჩილ თალაკვაძე ოზურგეთელ სპორტსმენებს და მწვრთნელებს შეხვდა.

„თქვენ პასიურ ცხოვრებას და უიმედობას ხელი გადაუწიეთ; არაერთი მოწინააღმდეგე დადეთ ბეჭებზე. სპორტი ყველასათვის უფრო მეტად უნდა გახდეს ხელმისაწვდომი და მაგალითის მიცემა თქვენ შეგიძლიათ“ -  მიმართა არჩილ თალაკვაძემ ოზურგეთელ სპორტსმენებს.

„ქართული ოცნება დემოკრატიული საქართველოს” ოზურგეთის მაჟორიტარი დეპუტატობის კანდიდატმა აღნიშნა, რომ სპორტის სფეროში საჭიროა ინფრასტრუქტურის განვითარება, სპორტსმენების მოტივირება და მაქსიმალური მხარდაჭერა. 

შეხვედრას ასევე დაესწრო კალათბურთში არჩილ თალაკვაძის პირველი მწვრთნელი გურამ ლომაძე,  რომელმაც კანდიდატს გამარჯვება, კარიერული წინსვლა და წარმატებები უსურვა. 

,,ქართული ოცნება - დემოკრატიული საქართველოს" მაჟორიტარი დეპუტატობის კანდიდატი თემურ ჭკუასელი კი, ლანჩხუთის მუნიციპალიტეტის სოფლების შუხუთისა და მამათის ამომრჩეველს შეხვდა. 

შეხვედრაზე ძირითადად ისაუბრეს 4 წლის მანძილზე განხორციელებულ პროექტებზე, რომლებიც რეალურად დადებითად აისახა მოსახლეობის სოციალურ მდგომარეობაზე. მოიწონეს ჯანდაცვისა და საყოველთაო დაზღვევის ახალი სისტემა, აღნიშნეს, რომ სოფლებში განხორციელდა მნიშვნელოვანი ინფრასტრუქტურული პროექტები.

ისიც აღინიშნა, რომ რეალურად გრძნობენ დემოკრატიის ხარისხის ზრდას. მათ საშუალება აქვთ თავისუფლად გააკეთონ არჩევანი. იმისათვის რომ დაწყებული კურსი უცვლელი დარჩეს და დაგეგმილი პროექტები წარმატებით განხორციელდეს მომავალ არჩევნებში თემურ ჭკუასელს სრული მხარდაჭერა აღუთქვეს. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის მოქალაქეს მონაკოს პრინცის ნათესავის მკვლელობაში ბრალი წაუყენეს

ჩქაროსნული მატარებლების ავარიის გამო, ესპანეთში სამდღიანი გლოვა გამოცხადდა

ესპანეთის ყოფილი შრომის მინისტრი ავარიისას ერთ-ერთ მატარებელში იმყოფებოდა, სავარაუდოდ, გარდაიცვალა

ზელენსკიმ სამშვიდობო შეთანხმების დადებისას პირველად შესთავაზა რუსეთს უსაფრთხოების გარანტიები