2016-09-01 22:01:39, 4954 ნახვა
კულტურა
„სუხიშვილების“ უარი რუსეთს - „უარს ვამბობთ რუსეთში და მის მიერ ანექსირებულ რეგიონებში გასტროლებზე“
"სუხიშვილებმა" ყირიმში კონცერტის გამართვაზე უარი განაცხადეს. ამის შესახებ მათ განცხადება თავიან Faceebok გვერდზე გაავრცელეს.
როგორც განცხადებაში ვკითხულობთ, "სუხიშვილები" უარს ამბობენ რუსეთში და რუსეთის მიერ ანექსირებულ რეგიონებში გასტროლებზე.
"დღეს დაგვიკავშირდნენ ყირიმიდან. კონცერტები უნდათ სევასტოპოლში და სიმფეროპოლში. 2007 წლიდან 2014 წლამდე ყოველ წელს ვმართავდით ყირიმში კონცერტებს. ამჯერად შემოტავაზებაზე მარტივად ვუპასუხეთ: "სუხიშვილები" უარს ვამბობთ რუსეთში და მით უფრო რუსეთის მიერ ანექსირებულ რეგიონებში გასტროლებზე! Слава Украине! Героям слава!", - ნათქვამია განცხადებაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
