სირიაში  „ისლამური სახელმწიფოს“ ე.წ. პრესმდივანი აბუ ალ-ადნანი მოკლეს, - ამის შესახებ BBC დაჯგუფებასთან დაკავშირებული სააგენტო  Amaq-ზე დაყრდნობით იუწყება.

როგორც BBC-ი წერს, ალ-ადნანი ჯიჰადისტების ერთ-ერთი მთავარი იდეოლოგი იყო. Amaq-ის ცნობით, ის ალეპოს მახლობლად ქალაქ ბაბზე, განხორციელებული ავიადარტყმის დროს გარდაიცვალა. 

ამასთან, მედია საშუალების ინფორმაციით, ამერიკულმა მხარემ დარტყმების განხორციელება უკვე დაადასტურა. მათივე ცნობით, აშშ-ის თავდაცვის უწყებაში ადასტურებენ, რომ ავიაიერიშის სამიზნე სწორედ ალ-ადნანი იყო.

ალ-ადნანი ჯიჰადისტურ ორგანიზაციაში ერთ-ერთი მთავარი ფიგურა იყი. ის დაჯგუფების პრესმდივანის ფუნქციას 2011 წლიდან ასრულებდა. ის “ისლამურ სახელმწიფოს” იერარქიაში თარხან ბათირაშვილის შემდეგ მეორე ადამიანად ითვლებოდა.

ცნობისთვის, წარსულში ალ-ადნანის ლიკვიდაციის შესახებ ინფორმცია მედიაში არაერთხელ გავრცელებულა, თუმცა მოგვიანებით აღნიშნული ცნობები არ დასტურდებოდა.

აშშ-ის სახელმწიფო დეპარტამენტს ალ-ადნანის ადგილსამყოფელის შესახებ ინფორმაციისთვის ჯილდოდ 5 მილიონი დოლარი ჰქონდა დაწესებული.

აბუ ალ-ადნანი, სირიის ქალაქ ბანაშში 1977 წელს დაიბადა. მისი ნამდვილი სახელი ტაჰა სობი ფალაჰიაა. ე.წ პრესმდივანი დაჯგუფებასთან დაკავშირებულ სხვადასხვა ინფორმაციას ავრცელებდა და პროპაგანდას უწევდა.

აღსანიშნავია, რომ თვითონ "ისლამურმა სახელმწიფომ" ალ-ადნანის გარდაცვალება უკვე დაადასტურა, თუმცა მისი გარდაცვალების მიზეზები და გარემოება არ დაასახელა.

როგორც უცხოელი ექსპერტები აცხადებენ, ეს დაჯგუფებისთვის დიდი დარტყმაა, რადგან "ისლამური სახელმწიფოს" ერთ-ერთი მტავარი ბერკეტი პროპაგანდა იყო. ე.წ მდივანის მიერ გავრცლეებული ბოლო ინფორმაციას მიმდინარე წლის მაისსში დაიდო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ