თურქეთის საგარეო საქმეთა მინისტრი მევლუთ ჩავუშოღლუ  ქურთთა  "სახალხო თავდაცვის რაზმებს" სირიის ტერიტორიაზე ეთნიკურ წმენდაში ადანაშაულებს, - ამის შესახებ Reuters იუწყება.

როგორც მინისტრმა განაცხადა, ქურთთა  "სახალხო თავდაცვის რაზმები" “ისლამური სახელმწიფოსგან” გათავისუფლებულ რაიონებში ეთნიკურ წმენდას ატარებენ.

მისივე თქმით, ქურთთა შეიარაღებული ჯგუფები ქალაქების მანბიჯისა და ჯარაბლუსის რაიონებში არ უნდა დარჩნენ. ჩავუშოღლუს განმარტებით, სირიელი ქურთები მდინარე ევფრატის აღმოსავლეთ სანაპიროზე რაც შეიძლება მალე უნდა გადავიდნენ, წინაამდეგ შემთხვევაში, ანკარა ქურთთა რაზმებზე დარტყმებს განახორციელებს.

თავის მხრივ, სირიელი ქურთების წარმომადგენელმა იბრაჰიმ იბრაჰიმმა აღნიშნა, რომ  ქალაქ მანბიჯსა და ჯარაბლუსში ქურთთა  "სახალხო თავდაცვის რაზმები" არ იმყოფებიან. მისი თქმით, ყველა ქურთი მებრძოლი უკვე ევფრატის აღმოსავლეთ სანაპიროზეა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ