თურქეთში, ფეჰთულა გიულენთან კავშირში ბრალდებით, 3 ყოფილი ელჩი დააკავეს

2016-08-27 14:04:46, 2082 ნახვა

მსოფლიო

თურქეთში, ფეჰთულა გიულენის მოძრაობასთან კავშირის ბრალდებით, 3 ყოფილი ელჩი დააკავეს, - ამის შესახებ Daily Sabah იუწყება.

როგორც მედია საშალება წერს, დაკავებულები კანადაში თურქეთის ყოფილი ელჩი, ტუნჯაი ბაბალი, UNESCO-ში თურქეთის ყოფილი წარმომადგენელი, ჰიურჯან ბალიკი, ასევე კოსტა-რიკაში თურქეთის ყოფილი ელჩი ალი ფინდიკი არიან.

ცნობისთვის, თურქეთის საგარეო საქმეთა მინისტრის, მევლუთ ჩოვუშოღლის ინფორმაციით, უწყების 300-ზე მეტი თანამშრომელი უკვე დაითხოვეს.

შეგახსენებთ, რომ 16 ივლისს თურქეთში სახელმწიფო გადატრიელების მცდელობა მოხდა, რასაც ასობით ადამიანის სიცოცხლე ემსხვერპლა, ათასობით ადამიანი კი დააკავეს.

თურქეთის ხელისუფლება გადატრიელების მცდელობის ორგანიზატორად, აშშ-ში მცხოვრებ მქადაგებელ, ფეჰთულაჰ გიულენს ასახელებს და მის ექსტრადიციას ითხოვს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან