პრემიერი: მთის კურორტები განვითარდება ისე, რომ არავის დავიჭერთ

2016-08-25 11:56:36, 650 ნახვა

საზოგადოება

თეთნულდის განვითარების ახალი ფაზა არის ძალიან მნიშვნელოვანი პროექტი, რომელიც, კურორტის ადგილობრივი მოსახლეობის ჩართულობით განვითარებას ითვალისწინებს, - ამის შესახებ საქართველოს პრემიერ-მინისტრმა გიორგი კვირიკაშვილმა განუცხადა.

როგორც პრემიერმა აღნიშნა, საქართველოში მთის კურორტების განვითარება პირად კონტროლზე ჰყავს აყვანილი.

„მათ შორის არის ბაკურიანი, გუდაური, თეთნულდი და გოდერძი. ოთხივე მიმართულებით იქნება ძალიან სერიოზული პროგრესი. შეუიარაღებელი თვალითაც ჩანს, რა კეთდება. მიბრძანდით თუნდაც ბაკურიანში და ნახეთ, წელს რამდენი ინფრასტრუქტურული ცვლილებაა და რამხელა ბუმია. მთის კურორტები განვითარდება გაცილებით უკეთ, ვიდრე წინათ, მათ შორის ისე, რომ არავის დავიჭერთ, არ დავაპატიმრებთ და კიდევ უფრო ჩქარა ავაშენებთ ყველაფერს“, - განაცხადა კვირიკაშვილმა

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან