ნოდარ ჯავახიშვილის პოზიციაში უნდა გავერკვეთ - ის ინფრასტრუქტურის მინისტრია, მინისტრის მოადგილე, თუ კიდევ უფრო მეტი ფუქნცია აქვს მთავრობაში,-ამის შესახებ ფრაქცია "თავისუფალი დემოკრატების" წევრმა ზურაბ აბაშიძემ რეგიონული განვითარებისა და ინფრასტრუქტურის მინისტრის მოადგილის ნოდარ ჯავახიშვილის განცხადებასთან დაკავშირებით დასმულ შეკითხვაზე პასუხისას აღნიშნა.
მისივე თქმით, პრობლემები სახეზეა და არა მხოლოდ  რეგიონებში, თბილისშიც უამრავლი ინფრასტრუქტურული პროექტია ჩავარდნილი.
"ნოდარ ჯავახიშვილთან დაკავშირებით მე მაინტერესებს და ალბათ უნდა გავერკვეთ მის პოზიციაში. ის არის ინფრასტრუქტურის მინისტრი, მინისტრის მოადგილე, თუ კიდევ უფრო მეტი ფუნქციები აქვს მთავრობაში. რა თქმა უნდა, ზოგადად პრობლემები რომ სახეზეა, ამას ყველანი ვხედავთ და არა მარტო რეგიონებში, დედაქალაქშიც უამრავი ინფრასტრუქტურული პროექტია ჩავარდნილი და ეს არის ერთ-ერთი მთავარი მიზეზი იმისა, რა მდგომარეობაშიც არის ქვეყნის ეკონომიკა",-განაცხადა ზურაბ აბაშიძემ.
შეგახსენებთ, შავლიაშვილის  მოადგილე  ნოდარ ჯავახიშვილმა განაცხადა, რომ   ინფრასტრუქტურის მინისტრი ნაკლებად წარმატებულია. მან  მუნიციპალიტეტების მართველებზეც ისაუბრა და განაცხადა, რომ თუ დადასტურდა, რომ რაიონის  გამგებლები ტენდერებში არასწორად მონაწილეობენ და გავლენას ახდენენ მის შედეგებზე, ყველა ფაქტი გამოკვლეული იქნება: " გამგებლების თავები გაგორდება",-აღნიშნა ნოდარ ჯავახიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოში 3.941 მილიონი ადამიანი ცხოვრობს - ყველაზე მრავალრიცხოვანი 35-39 ასაკის, ყველაზე მცირერიცხოვანი ერთ წლამდე

„ყველაფერი, რაც საქმეს სჭირდება“ - საქართველოს ბანკმა ბიზნესის კამპანია დაიწყო

Global Finance: საქართველოს ბანკი მსოფლიოში საუკეთესო AI ბანკია

კახა კალაძე საკონსტიტუციო სარჩელზე: პოლიტიკოსებს ან პოლიტიკურ პარტიებს არაფერი ესაქმებათ პოლიტიკაში