რიოს პარაოლიმპიადაზე, მხარდაჭერის მიზნით, ბელარუსი სპორტსმენები რუსეთის დროშასაც გაიტანენ

2016-08-23 22:20:34, 1644 ნახვა

მსოფლიო

რიოს პარაოლიმპიადაზე, მხარდაჭერის მიზნით, ბელარუსი სპორტსმენები რუსეთის დროშასაც გაიტანენ, - ამის შესახებ ბელარუსის პარაოლიმპიური კომიტეტის თავმჯდომარე ოლეგ შეპელიმ Sputnik Беларусь-თან ინტერვიუში განაცხადა.

მან ეს განცხადება მას შემდეგ გააკეთა, რაც ცნობილი გახდა, რომ სპორტის საარბიტრაჟო სასამართლომ რუსეთის პარაოლიმპიური კომიტეტის სარჩელი არ დააკმაყოფილა. ამით მან ძალაში დატოვა საერთაშორისო პარაოლიმპიური კომიტეტის მიერ 7 აგვისტოს მიღებული გადაწყვეტილება, რომლის მიხედვით, რუსი სპორტსმენები პარაოლიმპიადაში მონაწილეობას ვერ მიიღებენ.

მისივე განცხადებით, რუსი პარაოლიმპიელების თამაშებზე არ დაშვება პოლიტიკური ხრიკია, რომლის მიზანიც რუსეთის გატეხვაა.

"თუმცა მათ არ ესმით, რომ რაც უფრო ცუდად გრძნობს რუსეთი თავს, მით უფრო შეკრულია მისი ხალხი" - აცხადებს ბელარუსის პარაოლიმპიური კომიტეტის თავმჯდომარე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან