თურქეთში თავდასხმა 12-14 წლის ბავშვმა განახორციელა

2016-08-22 11:49:54, 1776 ნახვა

მსოფლიო

თურქეთის ქალაქ გაზიანთეფში თავდასხმა, მოზარდმა თვითმკვლელმა განახორციელა, - ამის შესახებ BBC თურქეთის პრეზიდენტზე დაყრდნობით იუწყება.

მედია საშუალების ინფორმაციით, თავდამსხმელის ასაკი 12-14 წელი იყო.

ქვეყნის სამხერთ ნაწილში, სირიის საზღვართან მდებარე ქალაქ გაზიანთეფში აფეთქება ქორწილის დროს მოხდა. ბოლო მონაცემებით, ტერაქტის შედეგად 51 ადამიანი გარდაიცვალა, 60-ზე მეტი კი დაშავდა, აქედან 17 ადამიანის მდგომარეობა მძიმეა.

თურქეთის პრეზიდენტმა თავდახმაზე პასუხისმგებლობა ტერორისტულ დაჯგუფება “ისლამურ სახელმწიფოს” დააკისრა. როგორც ერდოღანის მიერ გამოქვეყნებულ წერილშია ნათქვამი, “ისლამური სახელმწიფოს” მებრძოლებს, “ქურთისტანის მუშათა პარტიის” წევრებსა და ფეთჰულა გიულენის მიმდევრებს შორის განსხვავება არ არის.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან