2016-08-16 13:59:47, 707 ნახვა

---

სუბარი: ნინო ბურჯანაძისა და მოქალაქეების განცხადებაში პირდაპირ ოკუპაციის დაკანონების მცდელობა არ ჩანს

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის სოზარ სუბარის განცხადებით ნინო ბურჯანაძისა და მოქალაქეების განცხადებაში, კონსტიტუციაში უბლოკო სტატუსის ჩაწერასთან დაკავშირებით, ოკუპაციის დაკანონების მცდელობა არ ჩანს.

თუმცა, სუბარის თქმით, ბურჯანაძის სურვილი ქართველი ხალხის ისტორიულ არჩევანს ეწინააღმდეგება.

„მათ განცხადებაში არ ჩანს პირდაპირ ოკუპაციის დაკანონების მცდელობა. ერთია ადამიანს რა სურვილი შეიძლება ჰქონდეს, ვიღაცას შეიძლება ჰქონდეს სურვილი, რომ ჩრდილოეთ პოლუსზე გადაგვასახლოს, მაგრამ ესაა სურვილი და მეორე, რას ამბობს ის საჯაროდ. როდესაც ქალბატონი ბურჯანაძე აცხადებს, რომ მას სურს, საქართველო იხილოს უბლოკო სტატუსის მქონე ქვეყანად, ეს ეწინააღმდეგება ქართველი ხალხის ისტორიულ არჩევანს, ეწინააღმდეგება დღეს ქართველი ხალხის მიერ არაერთხელ გამოხატულ ნებას პლებისციტები, თუ გამოკითხვებში, ეწიონააღმდეგება საქართველოს ინტერესს, რომელიც არის სწორედ საქართველოს მთლიანობის აღდგენა, საქართველოს ინტეგრაცია ევროპულ და ევროატლანტიკურ სივრცეში, მაგრამ ეს არის მისი პოლიტიკური პოზიცია და არა პრაქტიკულად ოკუპაციის დაკანონება, რაც იკვეთებოდა რეკლამებში, რომლის გაშვებაც აიკრძალა. საქართველოს ევროატლანტიკური არჩევანი არის შეუქცევადი და ეს არის ქართველი ხალხის ნება. რაც შეეხება გავწევრიანდებით თუ ვერა, ან როდის გავწევრიანდებით, ეს არ არის დამოკიდებული მხოლოდ ჩვენს არჩევანზე. ეს დამოკიდებულია იმაზეც, თუ როდის იქნება ევროკავშირი მზად, მიგვიღოს ევროკავშირში, როდის იქნება ნატო მზად, რომ მიგვიღოს ნატო-ში“,-განაცხადა სოზარ სუბარმა

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი