2008 წლის აგვისტოს ომის მერვე წლისთავთან დაკავშირებული ღონისძიებები მუხათგვერდის ძმათა სასაფლაოს შემდეგ გორში გაგრძელდა. V ქვეით ბრიგადაში სტუმრობა საქართველოს თავდაცვის მინისტრმა ლევან იზორიამ, მისმა პირველმა მოადგილემ ლელა ჩიქოვანმა, შეიარაღებული ძალების გენერალური შტაბის უფროსმა, გენერალ-მაიორმა ვახტანგ კაპანაძემ და უწყების სხვა ოფიციალურმა პირებმა სამხედრო ქვედანაყოფში არსებული საქართველოს ტერიტორიული მთლიანობისთვის ბრძოლებში დაღუპული სამხედრო მოსამსახურეების ხსოვნის მემორიალის გვირგვინით შემკობით დაიწყეს და წუთიერი დუმილით პატივი მიაგეს მათ ხსოვნას.         

მემორიალიდან თავდაცვის მინისტრმა ბრიგადის სამწყობრო მოედანზე გადაინაცვლა, სადაც მოწყობილ პირად შემადგენლობას მიესალმა და სამხედროებს გვერდში დგომა და მხარდაჭერა აღუთქვა: „8 წლის წინ ამ დღეს თქვენ იდეგით სამშობლოსთვის მძიმე წუთებში წინა ხაზზე და იცავდით თითოეული ჩვენთაგანის სიცოცხლეს, ჩვენი შვილების სიცოცხლეს. მე ვამაყობ თქვენით! მინდა, თქვენთან ერთად პატივი მივაგო აგვისტოს ომში დაღუპულ გმირებს. მათ შორის, ამ ბრიგადამ განიცადა დიდი დანაკლისი. მინდა დაგპირდეთ, რომ თქვენთან ერთად მათი სახელების უკვდავსაყოფად მუდამ ვიდგები ჩემი ქვეყნის, ჩემი სამშობლოს სადარაჯოზე. მინდა იცოდეთ, რომ ლევან იზორია არის რიგითი ჯარისკაცი, რომელიც თქვენთან ერთად ემსახურება თავის ქვეყანას. მე დავდე ფიცი ჯარისკაცებთან ერთად ქვეყნის წინაშე და თქვენ წინაშეც ვდებ პირობას, რომ შევასრულებ ყველაზე საპატიო მისიას თქვენთან ერთად, რასაც ჰქვია ჩვენი ქვეყნის ტერიტორიული მთლიანობის დაცვა!“.

სიტყვით მიმართვისას ლევან იზორიამ ქართველი ჯარისკაცების საერთაშორისო მისიებში მსახურის მნიშვნელობაზეც გაამახვილა ყურადღება და სამშობლოს სადარაჯოზე მსახურისთვის მადლობა გადაუხადა. „თქვენთან ერთად გავიკვლევთ მომავლისთვის გზას, რასაც ჰქვია ევრო-ატლანტიკური ინტეგრაცია. ამ გზაში სწორედ თქვენ ხართ, ჩემო კარგებო, ჩვენი ქვეყნის გზამკვლევი, რადგან თქვენმა მისიამ საერთაშორისო ფარგლებში დაამტკიცა ის, რომ ხართ მტკიცედ, მედგრად და ასახელებთ ჩვენს ქვეყანას საერთაშორისო ასპარეზზე. დიდი მადლობა თითოეული მოქალაქის სახელით ამისთვის! ღმერთი იყოს თქვენი შემწე! თქვენთან მიგულეთ გვერდში!“, - აღნიშნა თავდაცვის მინისტრმა.

V ქვეითი ბრიგადის პირად შემადგენლობას სიტყვით მიმართეს ასევე, საქართველოს შეიარაღებული ძალების გენერალური შტაბის უფროსმა გენერალ-მაიორმა ვახტანგ კაპანაძემ და სახმელეთო ჯარების აღმოსავლეთ სარდალმა, პოლკოვნიკმა შავლეგო ტაბატაძემ.  

მოგვიანებით თავდაცვის მინისტრმა ბრიგადაში არსებული სამხედრო ტექნიკა და შეიარაღება დაათვალიერა, სამხედრო ქვედანაყოფში მდებარე ეკლესიაში ბრიგადის კაპელანის, მამა გიორგის მიერ აგვისტოს ომში გარდაცვლილი სამხედროების სულების მოსახსენიებელ პანაშვიდს დაესწრო და პირად შემადგენლობასთან ერთად „ჯარისკაცის ულუფაც“ დააგემოვნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება