პარლამენტის იურიდიულ საკითხთა კომიტეტის თავმჯდომარე ვახტანგ ხმალაძე თავდაცვის მინისტრის ლევან იზორიას განცხადებას ეხმაურება და აცხადებს, რომ სახელმწიფო უსაფრთხოების სამსახურის შესახებ კანონპროექტის მიღებაში აქტიურად იღებდა მონაწილეობას.

როგორც „ექსპრესნიუსს“ ხმალაძემ განუცხადა, კანონის მიხედვით, "სუს-ის წარმოამდგენელს აღარ აქვს უფლება ცხვირი ჩაყოს სხვა ადამიანების სამქიანობაში, რასაც ე.წ. „ოდეერი“ აკეთებდა".

„ეს კანონპროექტი შინაგან საქმეთა სამინისტროს მიერ მომზადდა და ის პარლამენტის იურიდიულ საკითხთა კომიტეტში სერიოზულად გადამუშავდა. ამ პროცესში მეც ვმონაწილეობდი და კანონპროექტში ბევრი რამ შეიცვალა. იქ ეწერა, რომ სახელმწიფო უსაფრთხოების სამსახური უფლებამოსილია, იმ დაწესებულებებში, სადაც რისკის შემცველი ფაქტორებია,  თავისი ოფიცრები დანიშნოს. კონკრეტულად, ჩემი აქტიური მოქმედების შედეგად, ეს ნორმა საერთოდ გავაუქმეთ და ამის ნაცვლად, კანონში ჩაიწერა, რომ მთავრობამ უნდა განსაზღვროს ის სუბიექტები, სადაც საფრთხის მაღალი ხარისხი არსებობს. ეს შეიძლება იყოს სახელმწიფო ორგანიზაცია და კერძო სამართლის იურიდიული პირი, მაგალითად, თბილისის წყალმომარაგების სამსახური, სადაც უსაფრთხოების მაღალი ხარისხი უნდა იყოს, რათა ხალხის ჯანმრთელობას საფრთხე არ დაემუქროს. ამ ნუსხის განსაზღვრის შემდეგ, სუს-მა უნდა დაადგინოს თუ როგორ დაიცვას იქ უსაფრთოების რეჟიმი. კანშო ასევე წერია, რომ ორგანიზაციას აქვს უფლება, სუს-ს მიმართოს უსაფრთხოების დაიცვის მიზნით. თუ სუს-ი ამ ყველაფერს დაეთანხმება, მათ შორის უნდა დაიდოს ხელშეკრულება, რომლითაც მხარეების ვალდებულებები იქნება განსაზღვრული. ეს ყველაფერი არის ტექნიკური უსაფრთხოება და არ ნიშნავს, რომ სუს-ის წარმომადგენელს აქვს უფლება ცხვირი ჩაყოს სხვა ადამიანების საქმიანობაში, ის რასაც ე.წ. „ოდეერი“ აკეთებდა“, - განაცხადა ხმალაძემ.

შეგახსენებთ, „კვირის პალიტრასთან“ მიცემულ ინტერვიუში თავდაცვის მინისტრმა განაცხადა, რომ სახელმწიფო უსაფრთხოების სამსახურის წარმომადგენლის ინსტიტუტს მხარს „რესპუბლიკელებიც“ უჭერდნენ და ამ მიმართულებით, განსაკუთრებით აქტიურად ვახტანგ ხმალაძესთან თანამშრომლობდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნება ხალხს ცხოვრებას კიდევ ერთხელ უძვირებს - ეს სოციალური ტერორის გზაა

4 ოქტომბრის საქმეზე მსჯავრდებულებს, მურთაზ ზოდელავას, ლაშა ბერიძეს, ირაკლი ჩხვირკიასა და გური ჟვანიას საპროცესო შეთანხმება გაუფორმდათ

Bloomberg: ევროკავშირი უკრაინაში Starlink-ის პრობლემების შემდეგ თავდაცვის გაძლიერებას განიხილავს:

კალაძე - რეალურად არ არსებობდა არანაირი ე.წ. NGO სექტორი და პოლიტიკური პარტიები, ეს იყო ერთი ძალა