მთავრობის ადმინისტრაციის შენობასთან აქცია „არა რუსეთს“ დასრულდა

2015-03-07 16:08:08, 647 ნახვა

საზოგადოება

მთავრობის ადმინისტრაციის შენობასთან „თავისუფალი ზონის“ წევრებმა საპროტესტო აქცია გამართეს.

აქციაზე - „არა რუსეთს“ 500-მდე ადამიანი იყო შეკრებილი.

მათი ძირითადი მოთხოვნა, აბაშიძე-კარასინის ფორმატის შეწყვეტა და ხელისუფლების მიერ რუსეთთან სასაუბროდ სხვა გზების არჩევა იყო. აქციის მონაწილეები ასევე რუსეთთან ურთიერთობების საკითხებში პრემიერ-მინისტრის სპეციალური წარმომადგენლის ზურაბ აბაშიძის თანამდებობიდან გადადგომასაც ითხოვდნენ, რის მიზეზადაც აცხადებდნენ, რომ აბაშიძე რუსეთის აგენტია.

მთავრობის ადმინისტრაციის შენობის შესასვლელი სამართალდამცველებს რკინის ჯებირებით ჰქონდათ გადაკეტილი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან