გლდანში „თეთრ ტბაზე“ კანოისა და კაიაკის ფედერაციის ორგანიზებით 500 და 200 მეტრიან დისტანციებზე რეგიონალური შეჯიბრება გაიმართა კანოისა და კაიაკში.

სპორტულ შეჯიბრებაში, ფედერაციის სხვა წარმომადგენლებთან ერთად, მონაწილეობა მიიღეს ქართველმა ჯარისკაცებმა, უმცროსმა სერჟანტმა ჯონი თოფურიამ და კაპრალმა თენგიზ დიასამიძემ.

მათ საგულშემატკივროდ გლდანის ტბაზე თავდაცვის მინისტრი, ლევან იზორია მივიდა. სერჟანტი თოფურია და კაპრალი დიასამიძე საქართველოს ტერიტორიული მთლიანობისა და საერთაშორისო სამშვიდობო მისიებში არიან დაშავებულნი და დღემდე სამკურნალო შვებულებაში იმყოფებიან.
სამხედრო მოსამსახურეებმა მინისტრს მათ წინაშე არსებული პრობლემების შესახებ მოახსენეს და დახმარება სთხოვეს. ლევან იზორიას თქმით, დაშავებულ სამხედრო მოსამსახურეებს ყველანაირი პირობა შეექმნებათ სპორტის ამ სახეობაში კიდევ უფრო აქტიურად ჩასართავად. თავდაცვის სამინისტრო სამხედროების საერთაშორისო შეკრებებს უზრუნველყოფს, რათა უმცროსმა სერჟანტმა თოფურიამ და კაპრალმა დიასამიძემ კანოისა და კაიაკში მწვრთნელის ლიცენზია მოიპოვონ.

„ჯონის და თენგოს სრულიად შემთხვევით შევხვდი სამინისტროს ეზოში. მათ მთხოვეს მოვსულიყავი აქ და მათი სპორტული შესაძლებლობები მენახა. ეს ბიჭები არიან ჩვენი გმირები. ბიჭებმა იომეს საერთაშორისო მისიებში, ვალი მოიხადეს სამშობლოს წინაშე და მაგალითები არიან ჩვენთვის იმიტომ, რომ სულიერად არ დაცემულან. ისინი აგრძელებენ მტკიცედ ქვეყნის სამსახურში დგომას. დღესაც ამ სპორტულ შეჯიბრში თავიანთი წარმატებების ჩვენება სურთ. მე წარმატებას ვუსურვებ მათ და ყოველთვის მათ გვერდით ვიქნები, ისევე როგორც დღეს“ - განაცხადა თავდაცვის მინისტრმა ლევან იზორიამ. 
„არ გვეგონა თუ მინისტრი დღეს აქ მოვიდოდა, ვეცდებით რომ მაქსიმალური შედეგი ვაჩვენოთ. ეს ძალიან დიდი სტიმულია ჩვენთვის, არასოდეს არ დასწრებია ჩვენს ასპარეზობას მინისტრი. ჩვენ გვაქვს პრობლემები და წერილიც დავწერეთ ამის შესახებ, რომელიც დღეს თავად მინისტრმა გამოგვართვა და პირველად გამიჩნდა იმედი, რომ ჩვენზე იზრუნებენ.“ - განაცხადა კაპრალმა თენგიზ დიასამიძემ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს