„ქართული ოცნება“ პოლიტსაბჭოს სხდომას მართავს

2015-03-07 11:25:32, 615 ნახვა

პოლიტიკა

კოალიცია „ქართული ოცნება“ პოლიტსაბჭოს სხდომას მართავს.

როგორც საპარლამენტო უმრავლესობის წევრმა დავით ბერძენიშვილმა სხდომის დაწყებამდე განაცხადა, დაგეგმილია მიმდინარე პოლიტიკური საკითხების განხილვა, მათ შორის კომიტეტის თავმჯდომარეობის კანდიდატების წარდგენის და უზენაესი სასამართლოს თავმჯდომარეობის კანდიდატის საკითხი.

მისივე თქმით, სხდომაზე ეროვნული ვალუტის სამოქმედო გეგმაზეც ისაუბრებენ.

„შევაჯამებთ რაც იყო ამ ხნის განმავლობაში. ძალიან მნიშვნელოვანი პაკეტი თამარ კორძაიას და სხვა დეპუტატების, არასამთავრობო სექტორის წარმომადგენლების მიერ მომზადებული პირველი მოსმენით მიიღო პარლამენტმა. მომავალზეც ვიმსჯელებთ. 18-20 მარტის სხდომები იქნება მნიშვნელოვანი, ბევრი საკადრო საკითხი არის, უზენაესი სასამართლოს თავმჯდომარე, საკონსტიტუციო სასამართლოს წევრის ვაკანსიები ჩნდება პარლამენტში, კომიტეტის თავმჯდომარეების, ამ თემებზე ჩვენ ერთმანეთს აზრებს გავუცვლით“, - განაცხადა დავით ბერძენიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან