ყოფილი თავდაცვის მინისტრის განცხადება არც პრაქტიკულ და არც თეორიულ პარამეტრში არ ჯდება, - ასე აფასებს საპარლამენტო უმრავლესობის ლიდერი გია ვოლსკი თინა ხიდაშელმა განცხადებას, რომლის თანახმადაც, „პრემიერ-მინისტრის გამოსვლებში, ბოლო დროს, ბოლშევიკური ტექსტები ჭარბობს“.

როგორც ვოლსკიმ „ექსპრესნიუსს“ განუცხადა, სკანდალური განცხადებების გაკეთება „რესპუბლიკელების“ სტიქიაა.

„თინა ხიდაშელის განცხადებას ახსნას ვერ ვუძებნი. არ ვფიქრობ, რომ ხიდაშელის განცხადებაზე სერიოზული კომენტარი უნდა გავაკეთო. პრემიერ-მინისტრმა განაცხადა, რომ ახლა გაერთიანების დროა. ყოფილი თავდაცვის მინისტრის განცხადება არც პრაქტიკულ და არც თეორიულ პარამეტრში არ ჯდება. „რესპუბლიკური პარტიის“ წევრისგან ასეთი განცხადება ახალი არაა. მათ სურთ, რომ მეტი ყურადღება მიიქციონ. ჩემთვის ხიდაშელი მიერ მინისტრის პოსტის დატოვებიდან ერთი დღის მერე ასეთი განცხადების გაკეთა მოულოდნელი არ ყოფილა. „რესპუბლიკელების“ სტიქიაა სკანდალური განცხადებების გაკეთება. მათ სურთ, უბრალოდ, მედიის ყურადღება მიიქციონ“, - აცხადებს ვოლსკი.

შეგახსენებთ, რომ გუშინ „მაესტროსთან“ ინტერვიუში პრემიერ-მინისტრი გიორგი კვირიკაშვილი გააკრიტიკა და აღნიშნა, რომ კვირიკაშვილის გამოსვლებში, ბოლო დროს, ბოლშევიკური ტექსტები ჭარბობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩერგოლეიშვილი – ყველა აქციიდან გავყრი სააკაშვილის იმ 30 ბანდერლოგს, რომელიც აქციის მესიჯის დისციპლინას თვითმარქვია ბელადის ბანერებით დაარღვევს

დააკავეს პირი რომელიც ყოფილ მეუღლეს სიცოცხლის მოსპობით დაემუქრა, თუ მასთან შერიგებაზე უარს იტყოდა

ძმის ქორწილში მოკლული გურამ ბოიკოს მკვლელობაში ბრალდებული დააკავეს, ბრალდებული წარსულშიც ნასამართლევია

ისრაელის არჩევნებზე ხმების 56.7%-ის დათვლის შემდეგ, უმრავლესობას ვერცერთი ბლოკი ვერ ფლობს