2016-07-31 18:16:35, 708 ნახვა

---

კალაძე: ვერ მოგვიშუშებია ჭრილობა და დღემდე კაწრავს გულს ჩვენს მიწა-წყალზე ოკუპანტის მიერ გაჭიმული მავთულხლართი

 „დღემდე ვერ მოგვიშუშებია  ჭრილობა, დღემდე კაწრავს გულს ჩვენს მიწა-წყალზე,  ჩვენს ბაღებზე ოკუპანტის მიერ გაჭიმული მავთულ-ხლართები“,-ამის შესახებ ვიცე-პრემიერმა, ენერგეტიკის მინისტრმა კახა კალაძემ გორში, „ქართული ოცნების“ მაჟორიტარი დეპუტატობის წარდგენისას განაცხადა.

როგორც კალაძემ აღნიშნა, მისთვის უდიდესი ტკივილია შინდისის გმირების და ანწუხელიძის გახსენება.

„რამდენიმე დღეში ჩვენ ერთხელ კიდევ გავიხსენებთ 8 აგვისტოს, დღეს, როცა მთელს საქართველოში, განსაკუთრებით გორში ბევრი სისხლი და ცრემლი დაიღვარა. დღემდე ვერ მოგვიშუშებია  ჭრილობა, დღემდე კაწრავს გულს ჩვენს მიწა-წყალზე,  ჩვენს ბაღებზე ოკუპანტის მიერ გაჭიმული მავთულ-ხლართები. ამ ხელოვნური საზღვრის მიღმაც საქართველოა, იქაც ჩვენი თანამემამულეები ცხოვრობენ, ჩვენი ქვეყნის მოქალაქეები. ჩემთვის უდიდესი ტკივილია შინდისის გმირების, ანწუხელიძის გახსენება. თითოეული დეტალი მათი გმირობის და თავდადების მუდამ მემახსოვრება, შვილებსაც მოვუყვები და  ქვეყანამ სამუდამო  სანთლებaდ უნდა დაინთოს მათი სახელები!“,-განაცხადა კალაძემ.

 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი