საქართველოს  პრეზიდენტის საპარლამეტო მდივანი ანა დოლიძე მთავრობისგან ახსნა-განმარტებას ითხოვს, თუ რა კრიტერიუმებზე დაყრდნობით მოხდა სტრასბურგის ადამიანის უფლებათა სასამართლოში საქართველოს წარმომადგენლის კანდიდატურის ჩანაცვლება.

როგორც დოლიძემ განაცხადა,  კანდიდატურის შეცვლა სწრაფად, შესაბამისი პროცედურისა და დასაბუთების გარეშე მოხდა.

 „მეც და საქართველოს მოსახლეობასაც, რომელიც გულისყურით ადევნებს თვალს ამ ძალიან საპასუხისმგებლო თანამდებობაზე შერჩევის პროცესს, გვაქვს მოლოდინი, რომ იმ პირთა მიერ, ვინც მიიღო ეს გადაწყვეტილება, წარმოდგენილი იქნება დასაბუთებული ახსნა-განმარტება, რა კრიტერიუმებით - მაღალი ზნეობრივი მონაცემებით, ადამიანის უფლებებში გამოცდილებით, უცხო ენების ცოდნით, თუ საკონკურსო კომისიის ქულებით - მოხდა ამ გადაწყვეტილების მიღება ასე ნაჩქარევად და დახურულ კარს მიღმა. შესაბამისად, ბუნებრივია, როდესაც ასე დაუსაბუთებლად და ახსნა-განმარტების გარეშე ხდება გადაწყვეტილების მიღება, ჩნდება კითხვები უსამართლობასთან დაკავშირებით. ბუნებრივია, მე, როგორც ფინალისტს, ეს განცდა მაქვს და, ბუნებრივია, რომ საქართველოს მოსახლეობას, რომლის უმაღლესი წარმომადგენელიც იქნება ეს პიროვნება ევროპის ადამიანის უფლებათა სასამართლოში, ექნება კითხვები ამ პროცესთან დაკავშირებით. ველოდები, რომ ჩვენ გვექნება დასაბუთებული ახსნა-განმარტება, კონკრეტულად რატომ, რაზე დაყრდნობითა და რა კრიტერიუმებზე დაყრდნობით მოხდა ეს ჩანაცვლება“,-აღნიშნა ანა დოლიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ყველა პარამეტრით ვუსწრებთ უკრაინას და მოლდოვას

ზურაბიშვილი ქართველი მებრძოლების ჩამოსვენებაზე - საპატიო ყარაული არ არის, დიდი სირცხვილია

უკრაინაში დაღუპული ბაჩო ბებია და დავით ღოღაძე სამშობლოში ჩამოასვენეს

პროკურატურა ამტკიცებს რომ ღობის საქმის პროკურორზე მამის ბიზნესების გამო, თავდასხმა ხორციელდება